យោងតាមការចុះផ្សាយពីប្រភពបរទេស អ្នកជំងឺមហារីកមិនគួរអនុវត្តរបបអាហារតឹងរ៉ឹងដោយខ្លួនឯងទេ ព្រោះវាអាចបង្កគ្រោះថ្នាក់ដល់សុខភាព៖
ទីមួយគឺការតមអាហារដើម្បី “អត់ឃ្លាន” ដុំមហារីក ដែលការពិតវាធ្វើឱ្យរាងកាយចុះខ្សោយ និងបាត់បង់ភាពស៊ាំ។ ទីពីរគឺការតមសាច់ក្រហមទាំងស្រុង ដែលនាំឱ្យអ្នកជំងឺខ្វះជាតិដែក និងសារធាតុចិញ្ចឹមចាំបាច់សម្រាប់ការជាសះស្បើយ។ ទីបីគឺការកាត់ផ្តាច់ម្សៅនិងស្ករទាំងស្រុង ដែលធ្វើឱ្យខួរក្បាល និងសរីរាង្គសំខាន់ៗខ្វះថាមពល។
ដើម្បីទទួលបានលទ្ធផលល្អក្នុងការព្យាបាល អ្នកជំងឺគួរទទួលទានអាហារចម្រុះ និងមានតុល្យភាពតាមការណែនាំរបស់គ្រូពេទ្យជំនាញ៕