យោងតាមការចុះផ្សាយពីប្រភពបរទេស ភាពវៃឆ្លាតខាងអារម្មណ៍ (EQ) មិនមែនបង្ហាញតាមរយៈពិន្ទុសិក្សានោះទេ ប៉ុន្តែបង្ហាញតាមរយៈសមត្ថភាពយល់ដឹង និងគ្រប់គ្រងអារម្មណ៍ខ្លួនឯង។
កុមារដែលមាន EQ ខ្ពស់តែងបង្ហាញសញ្ញាទាំង ៧ យ៉ាងនេះ៖ ១. កូនអាចហៅឈ្មោះអារម្មណ៍របស់ខ្លួនឯងបានត្រឹមត្រូវ (ដូចជា ការនិយាយថាខឹង ឬសោកសៅ ជំនួសឱ្យការប្រើអំពើហិង្សា)។ ២. កូនចេះស្វែងរកឪពុកម្តាយនៅពេលមានបញ្ហា ដោយសារកូនមានអារម្មណ៍សុវត្ថិភាព និងទំនុកចិត្តក្នុងការចែករំលែក។ ៣. កូនអាចឆ្លងកាត់ភាពខកចិត្តបានដោយមិនបាក់ទឹកចិត្តយូរ ហើយចេះងើបឡើងវិញដោយខ្លួនឯង។ ៤. កូនចេះសង្កេត និងយល់ពីអារម្មណ៍អ្នកដទៃ ដែលជាមូលដ្ឋាននៃភាពអាណិតអាសូរ។ ៥. កូនចេះសុំទោសចេញពីចិត្តនៅពេលធ្វើខុស ដោយមានបំណងចង់កែតម្រូវ។ ៦. កូនចេះប្រាប់ពីតម្រូវការរបស់ខ្លួនឯងយ៉ាងច្បាស់លាស់ ដូចជាការសុំការឱប ឬសុំពេលវេលានៅម្នាក់ឯង។ ៧. កូនមានភាពជាខ្លួនឯង និងមិនចាំបាច់ព្យាយាមសម្ដែង ដើម្បីផ្គាប់ចិត្តឪពុកម្តាយឡើយ។
ឪពុកម្តាយគួរយកចិត្តទុកដាក់ និងគាំទ្រចំណុចទាំងនេះ ដើម្បីជួយឱ្យកូនមានសុខភាពផ្លូវចិត្តរឹងមាំ៕
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕