យោងតាមការចុះផ្សាយពីប្រភពបរទេស កម្រិតជាតិស្ករក្នុងឈាមខ្ពស់តែងតែបង្ហាញសញ្ញាខុសធម្មតានៅពេលយប់ ដែលអ្នកគួរយកចិត្តទុកដាក់។
រោគសញ្ញាទាំងនោះរួមមាន ការមានអារម្មណ៍ឃ្លានខ្លាំងមុនពេលចូលគេង ការក្រោកទៅបន្ទប់ទឹកញឹកញាប់ ការបែកញើសពេលយប់ ការរមាស់ស្បែក ការស្រេកទឹកមិនឈប់ និងអាការៈស្ពឹកជើងដែលមិនបាត់ទៅវិញ។ ប្រសិនបើអ្នកជួបប្រទះសញ្ញាទាំងនេះ សូមប្រញាប់ទៅពិនិត្យសុខភាពជាមួយគ្រូពេទ្យឯកទេស។
ដើម្បីគ្រប់គ្រងជាតិស្ករបានល្អ អ្នកគួរផ្លាស់ប្តូររបបអាហារដោយជ្រើសរើសគ្រាប់ធញ្ញជាតិ កាត់បន្ថយជាតិស្ករ និងខ្លាញ់ ព្រមទាំងធ្វើលំហាត់ប្រាណកម្រិតស្រាលជាប្រចាំ។ ការពិនិត្យសុខភាពទៀងទាត់គឺជាគន្លឹះដ៏សំខាន់បំផុត ដើម្បីទប់ស្កាត់ផលវិបាកធ្ងន់ធ្ងរនៃជំងឺទឹកនោមផ្អែម៕