យោងតាមការចុះផ្សាយពីប្រភពបរទេស ការរត់យឺតៗជារៀងរាល់ថ្ងៃជាប់គ្នារយៈពេល ៣ ខែ គឺជាគន្លឹះដ៏មានប្រសិទ្ធភាពក្នុងការកាត់បន្ថយខ្លាញ់ក្នុងឈាម និងស្រកទម្ងន់។
ការហាត់ប្រាណកម្រិតស្រាលនេះ ជួយដុតបំផ្លាញជាតិខ្លាញ់ដែលស្តុកទុក ជំនួសឱ្យការប្រើប្រាស់ជាតិស្ករ ព្រមទាំងជួយពង្រឹងសុខភាពបេះដូង សរសៃឈាម និងប្រព័ន្ធភាពស៊ាំ។ ក្រៅពីអត្ថប្រយោជន៍សុខភាព ការរត់យឺតៗក៏ជួយកាត់បន្ថយសម្ពាធលើសន្លាក់ឆ្អឹង និងកាត់បន្ថយហានិភ័យនៃការរងរបួសបានយ៉ាងច្រើន។ នេះគឺជាវិធីសាស្ត្រដ៏សាមញ្ញ ប៉ុន្តែមានប្រសិទ្ធភាពខ្ពស់ក្នុងការថែរក្សាសុខភាពរាងកាយឱ្យបានរឹងមាំយូរអង្វែង៕