យោងតាមការចុះផ្សាយពីប្រភពបរទេស អ្នកជំនាញជប៉ុនបានរកឃើញថា ការម៉ាស្សាចុចចំចំណុចឆ្លុះនៅលើបាតជើងអាចជួយសម្រួលដល់សុខភាពភ្នែកបានយ៉ាងមានប្រសិទ្ធភាព។
វិធីសាស្ត្រនេះចាប់ផ្តើមដោយការចុចថ្នមៗលើសន្លាក់នៃម្រាមជើងទី ២ និងទី ៣ ដើម្បីជំរុញការបញ្ចេញជាតិពុលពីភ្នែក។ បន្ទាប់មក សូមចុចចំណុចកណ្តាលបាតជើងរួចអូសចុះទៅកែងជើង ដើម្បីជំរុញចរន្តឈាមឱ្យកាន់តែប្រសើរ។ ក្រៅពីនេះ ការចុចចំណុចថ្លើមនៅបាតជើងស្តាំ និងការច្របាច់កំភួនជើង ក៏ជួយសម្រាលសម្ពាធក្នុងភ្នែកបានយ៉ាងឆាប់រហ័ស។
ដើម្បីទទួលបានលទ្ធផលល្អ អ្នកគួរអនុវត្តជាប្រចាំជារៀងរាល់ថ្ងៃ ជាពិសេសបន្ទាប់ពីងូតទឹក ព្រោះជាពេលដែលសរសៃឈាមរីកធំ និងជួយឱ្យរាងកាយបញ្ចេញជាតិពុលបានកាន់តែប្រសើរ៕