យោងតាមការចុះផ្សាយពីប្រភពបរទេស ការជ្រើសរើសភេសជ្ជៈឱ្យបានត្រឹមត្រូវមានសារៈសំខាន់ខ្លាំងណាស់ក្នុងការគ្រប់គ្រងកម្រិតខ្លាញ់អាក្រក់ក្នុងឈាម។
តែបៃតង និងតែខ្មៅ គឺជាប្រភពដ៏ល្អនៃសារធាតុប្រឆាំងអុកស៊ីតកម្មដែលជួយទប់ស្កាត់ការកកស្ទះសរសៃឈាម។ ទឹកដោះគោស្រូវអូក និងទឹកដោះគោសណ្តែកសៀង មានសមត្ថភាពខ្ពស់ក្នុងការកម្ចាត់ជាតិខ្លាញ់អាក្រក់ចេញពីរាងកាយ។ ចំពោះទឹកផ្លែឈើវិញ ទឹកផ្លែទទឹម ទឹកប៉េងប៉ោះ ទឹកផ្លែណាំវីតឃ្វិត ទឹកមើមឆៃថាវក្រហម និងទឹកក្រូចស្រស់ សុទ្ធតែមានសារធាតុចិញ្ចឹមដែលជួយពង្រីកសរសៃឈាម និងកែលម្អចរន្តឈាមឱ្យបានប្រសើរ។ លើសពីនេះ ការពិសាស្រាទំពាំងបាយជូរក្រហមក្នុងកម្រិតមធ្យម ការពិសាកាកាវសុទ្ធ និងតែខ្ញី ក៏ជាជំនួយការដ៏ល្អក្នុងការកាត់បន្ថយការរលាក និងបង្កើនខ្លាញ់ល្អដែរ។
ដើម្បីឱ្យបេះដូងមានសុខភាពល្អ អ្នកគួររួមបញ្ចូលភេសជ្ជៈទាំងនេះក្នុងរបបអាហារប្រចាំថ្ងៃ ព្រមទាំងរក្សាទម្លាប់ហាត់ប្រាណ និងរស់នៅដោយមានតុល្យភាព៕