យោងតាមការចុះផ្សាយពីប្រភពបរទេស ការបំពុលបរិយាកាសធ្វើឱ្យសួតត្រូវធ្វើការងារយ៉ាងខ្លាំង ដូច្នេះការទទួលទានអាហារត្រជាក់ៗ និងមានជីវជាតិខ្ពស់ជួយឱ្យផ្លូវដង្ហើមមានភាពស្រស់ស្រាយ។
អាហារទាំង ៦ ប្រភេទនោះមានដូចជា ផ្លែសារី ឆៃថាវស ផ្សិតត្រចៀកកណ្តុរ ផ្កាពុទ្រាក្រហម មើមឈូក និងផ្លែឡុងកុងដែលសុទ្ធសឹងជាអាហារជួយបំបាត់អាការៈស្ងួតបំពង់ក កាត់បន្ថយការក្អក និងជួយឱ្យរាងកាយមានភាពត្រជាក់ល្អ។
ទោះបីមិនអាចសម្អាតសួតបានភ្លាមៗ ប៉ុន្តែការបន្ថែមអាហារទាំងនេះក្នុងរបបអាហារប្រចាំសប្តាហ៍ នឹងជួយឱ្យអ្នកដែលរស់នៅកន្លែងមានធូលីដីច្រើន មានអារម្មណ៍ថាខ្លួនប្រាណស្រាលស្រទន់ និងដកដង្ហើមបានស្រួលជាងមុន៕