យោងតាមការចុះផ្សាយពីប្រភពបរទេស មានភេសជ្ជៈជាច្រើនដែលយើងយល់ថាមានសុខភាពល្អ ប៉ុន្តែតាមពិតវាផ្ទុកជាតិស្ករ និងកាឡូរីខ្ពស់ដែលបង្កឱ្យឡើងទម្ងន់ និងហើមរាងកាយប្រសិនបើទទួលទានញឹកញាប់។
ភេសជ្ជៈទាំងនោះរួមមាន ទឹកផ្លែឈើស្រស់ដែលមានបន្ថែមស៊ឺរ៉ូ ទឹកក្រូចឆ្មារទឹកឃ្មុំដែលមានជាតិស្ករខ្ពស់ ទឹកយ៉ាអួរដែលសម្បូរជាតិស្ករ ទឹកសណ្តែកប្រភេទផ្អែម ភេសជ្ជៈកីឡាដែលមិនចាំបាច់សម្រាប់អ្នកមិនហាត់ប្រាណ និងតែផ្លែឈើដែលប្រើស៊ឺរ៉ូជំនួសផ្លែឈើពិត។
ដើម្បីសុខភាពល្អ អ្នកជំនាញណែនាំឱ្យជៀសវាងការទទួលទានភេសជ្ជៈទាំងនេះជំនួសទឹកសុទ្ធ ហើយគួរងាកមកទទួលទានទឹកធម្មតាវិញព្រោះវាគ្មានកាឡូរី និងមិនប៉ះពាល់ដល់កម្រិតជាតិស្ករក្នុងឈាម៕