យោងតាមការចុះផ្សាយពីប្រភពបរទេស វេជ្ជបណ្ឌិតជំនាញបានព្រមានថា ទម្លាប់ប្រចាំថ្ងៃចំនួន ៣ អាចបង្កគ្រោះថ្នាក់ដល់ខួរក្បាល និងអាយុជីវិតយ៉ាងធ្ងន់ធ្ងរ។
ទីមួយគឺការប្រើកាំភ្លើងម៉ាស្សានៅតំបន់ក ដែលសកម្មភាពនេះអាចធ្វើឱ្យខូចសរសៃឈាមសំខាន់ៗដែលនាំឈាមទៅខួរក្បាល រហូតអាចបង្កើតជាកំណកឈាម និងឈានដល់ការដាច់សរសៃឈាមខួរក្បាលបាន។ ទីពីរគឺការទប់កណ្ដាស់ ដែលការធ្វើបែបនេះនឹងបង្កើតសម្ពាធដ៏ខ្លាំងក្លានៅក្នុងរាងកាយ ដែលអាចធ្វើឱ្យបែកសរសៃឈាមក្នុងខួរក្បាល រហែកក្រដាសត្រចៀក ឬបណ្តាលឱ្យហូរឈាមក្នុងខួរក្បាលបាន។
ទីបីគឺការស្តាប់តន្ត្រីខ្លាំងៗតាមកាសជាប់ជានិច្ច ដែលការស្តាប់សំឡេងខ្លាំងលើសកម្រិតមិនត្រឹមតែបំផ្លាញការស្តាប់ប៉ុណ្ណោះទេ ប៉ុន្តែថែមទាំងធ្វើឱ្យខួរក្បាលចុះខ្សោយសមត្ថភាពចងចាំ និងបង្កើនហានិភ័យនៃជំងឺវង្វេងវង្វាន់នាពេលអនាគតទៀតផង៕
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕