យោងតាមការចុះផ្សាយពីប្រភពបរទេស ការរួមភេទបន្ទាប់ពីការផឹកស្រា និងការអត់ងងុយ គឺជាទម្លាប់គ្រោះថ្នាក់ដែលអាចបង្កឱ្យមានជំងឺគាំងបេះដូង ឬដាច់សរសៃឈាមខួរក្បាល ដោយសារតែការកើនឡើងសម្ពាធឈាម និងចង្វាក់បេះដូងភ្លាមៗក្នុងពេលរាងកាយចុះខ្សោយ។
លើសពីនេះ ជាតិអាល់កុល និងការនឿយហត់ក៏នាំឱ្យមានបញ្ហាមិនប្រក្រតីក្នុងការរួមភេទ ការរងរបួសផ្នែករាងកាយ ក៏ដូចជាហានិភ័យនៃការឆ្លងជំងឺកាមរោគ និងការមានផ្ទៃពោះដោយសារការធ្វេសប្រហែសក្នុងការការពារ។
ដើម្បីសុវត្ថិភាព អ្នកគួរចៀសវាងសកម្មភាពនេះពេលស្រវឹង ឬនឿយហត់ខ្លាំង ហើយត្រូវរក្សាការប្រើប្រាស់វិធីសាស្ត្រការពារឱ្យបានត្រឹមត្រូវ៕
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕