យោងតាមការចុះផ្សាយពីប្រភពបរទេស ការអង្គុយយូរគឺជាកត្តាចម្បងមួយដែលធ្វើឱ្យកម្លាំងបុរសចុះខ្សោយ ព្រោះវាធ្វើឱ្យតំបន់ពងស្វាសក្តៅ និងរារាំងចរន្តឈាមទៅកាន់អាងត្រគាក ដែលជះឥទ្ធិពលផ្ទាល់ដល់ការផលិតអ័រម៉ូនតេស្តូស្តេរ៉ូន និងគុណភាពមេជីវិត។
បន្ថែមពីលើការអង្គុយយូរ បុរសគួរជៀសវាងទម្លាប់អវិជ្ជមានចំនួន ៧ ផ្សេងទៀតរួមមាន ការប៉ះពាល់នឹងកម្ដៅខ្លាំងដូចជាការស្ទីម ឬដាក់កុំព្យូទ័រលើភ្លៅ ការធាត់ខ្លាំងដែលនាំឱ្យមានអតុល្យភាពអ័រម៉ូន ការជក់បារី និងផឹកស្រាដែលបំផ្លាញគុណភាពមេជីវិត ការគេងយឺតដែលរារាំងការផលិតអ័រម៉ូនបុរស ការស្លៀកពាក់តឹងពេកដែលធ្វើឱ្យពងស្វាសក្តៅ និងងាយរលាក ភាពតានតឹងអូសបន្លាយដែលបង្កើនអ័រម៉ូន Cortisol រារាំងអ័រម៉ូនតេស្តូស្តេរ៉ូន និងការបរិភោគផលិតផលសណ្តែកសៀងលើសកម្រិតជាប្រចាំ។
ការកែសម្រួលរបៀបរស់នៅ និងចៀសវាងទម្លាប់ទាំងនេះ គឺជាដំណោះស្រាយដ៏សំខាន់ក្នុងការថែរក្សាភាពរឹងមាំ និងសុខភាពផ្លូវភេទឱ្យមានប្រសិទ្ធភាពយូរអង្វែង៕