យោងតាមការចុះផ្សាយពីប្រភពបរទេស ក្រៅពីរបបអាហារដែលមានជាតិខ្លាញ់ខ្ពស់ ក្នុងរដូវក្ដៅនៅមានទម្លាប់ប្រចាំថ្ងៃចំនួន ៣ ទៀតដែលបង្កគ្រោះថ្នាក់ដល់ប្រព័ន្ធសរសៃឈាមយ៉ាងធ្ងន់ធ្ងរ។
ទីមួយគឺការបើកម៉ាស៊ីនត្រជាក់សីតុណ្ហភាពទាបភ្លាមៗក្រោយពេលត្រលប់ពីកម្ដៅថ្ងៃ ព្រោះការផ្លាស់ប្តូរសីតុណ្ហភាពយ៉ាងគំហុកធ្វើឱ្យសរសៃឈាមរួមតូចភ្លាមៗ ដែលអាចនាំឱ្យមានបញ្ហាបេះដូង ឬដាច់សរសៃឈាមខួរក្បាល។ ទីពីរគឺការងូតទឹកត្រជាក់ភ្លាមៗនៅពេលរាងកាយកំពុងក្ដៅ ដែលបណ្តាលឱ្យរន្ធញើស និងសរសៃឈាមរួមតូចយ៉ាងខ្លាំង រហូតដល់អាចបង្កើនសម្ពាធឈាម និងគាំងបេះដូង។ ទីបីគឺការហាត់ប្រាណខ្លាំងពេកក្នុងអាកាសធាតុក្ដៅ ដែលធ្វើឱ្យបេះដូងហត់នឿយខ្លាំង បង្កើនសម្ពាធលើប្រព័ន្ធសរសៃឈាម និងអាចបណ្តាលឱ្យបាត់បង់ជាតិទឹក ឬមិនតុល្យភាពជាតិអេឡិចត្រូលីត។
ការយល់ដឹង និងកែតម្រូវទម្លាប់ទាំងនេះ គឺជារឿងចាំបាច់ដើម្បីការពារសុខភាពបេះដូង និងសរសៃឈាមឱ្យមានសុវត្ថិភាពក្នុងរដូវក្ដៅ៕