យោងតាមការចុះផ្សាយពីប្រភពបរទេស ជំងឺទឹកនោមផ្អែមមិនត្រឹមតែបង្កគ្រោះថ្នាក់ដល់សុខភាពទូទៅប៉ុណ្ណោះទេ ប៉ុន្តែវាក៏ជះឥទ្ធិពលយ៉ាងធ្ងន់ធ្ងរដល់ភ្នែកផងដែរ។
ប្រសិនបើអ្នកសង្កេតឃើញការផ្លាស់ប្តូរខុសប្រក្រតីចំនួន ៤ ដូចជា ការមើលឃើញព្រិលៗដែលជាសញ្ញាដំបូង ការមើលឃើញរូបភាពស្ទួន ការឃើញចំណុចខ្មៅៗក្នុងគន្លងភ្នែកដែលបង្ហាញពីការខូចខាតសរសៃឈាម ឬការប្រែប្រួលពណ៌និងពន្លឺក្នុងភ្នែក អ្នកត្រូវប្រញាប់ទៅពិនិត្យជាតិស្ករក្នុងឈាមជាបន្ទាន់។
ប្រសិនបើមិនបានព្យាបាលទាន់ពេលវេលាទេ ផលវិបាកនៃការកើនឡើងជាតិស្ករអាចបណ្តាលឱ្យខូចខាតសរសៃឈាមក្នុងភ្នែក ដែលនាំទៅដល់ការបាត់បង់ការមើលឃើញជាអចិន្ត្រៃយ៍។
ការរកឃើញរោគសញ្ញាទាំងនេះបានលឿន និងការគ្រប់គ្រងជាតិស្ករឱ្យបានត្រឹមត្រូវ គឺជាវិធីសាស្ត្រតែមួយគត់ដើម្បីការពារសុខភាពភ្នែក និងទប់ស្កាត់ផលវិបាកធ្ងន់ធ្ងរផ្សេងៗ៕