យោងតាមការចុះផ្សាយពីប្រភពបរទេស អណ្តាតមិនត្រឹមតែជាសរីរាង្គសម្រាប់ទទួលរសជាតិប៉ុណ្ណោះទេ ប៉ុន្តែវាក៏ជាសូចនាករដ៏សំខាន់ដែលឆ្លុះបញ្ចាំងពីស្ថានភាពសុខភាពនៃសរីរាង្គខាងក្នុងរបស់អ្នកផងដែរ។
អ្នកជំនាញវេជ្ជសាស្ត្របានបញ្ជាក់ថា ការសង្កេតមើលពណ៌ រូបរាង និងភាពក្រាស់របស់អណ្តាត អាចជួយឱ្យយើងដឹងមុនអំពីបញ្ហាសុខភាពធ្ងន់ធ្ងរ៖ ទីមួយ អណ្តាតប្រែពណ៌លឿង អាចជាសញ្ញានៃបញ្ហាថ្លើម ថង់ទឹកមាត់ ឬជំងឺទឹកនោមផ្អែម។ ទីពីរ អណ្តាតងាកទៅម្ខាង ដែលជាសញ្ញាអាសន្ននៃជំងឺដាច់សរសៃឈាមខួរក្បាល (ស្ត្រូក)។ ទីបី អណ្តាតប្រែពណ៌ស្វាយ ដែលអាចទាក់ទងនឹងវត្តមាននៃដុំសាច់ ឬជំងឺមហារីកអណ្តាត។ ទីបួន អណ្តាតហើម ឬមានដំបៅរ៉ាំរ៉ៃ ដែលអាចបង្ហាញពីការរលាក ការខ្វះជាតិដែក ឬសញ្ញាដំបូងនៃមហារីកមាត់។ ទីប្រាំ អណ្តាតប្រែពណ៌ក្រហមឆ្អៅ ដែលអាចបង្ហាញពីការឆ្លងមេរោគវីរុសធ្ងន់ធ្ងរក្នុងរាងកាយ។
ប្រសិនបើអ្នកសង្កេតឃើញសញ្ញាណទាំងនេះកើតឡើងជាប់ៗគ្នាលើសពី ២ សប្តាហ៍ សូមកុំព្រងើយកន្តើយ ហើយត្រូវប្រញាប់ទៅពិគ្រោះជាមួយគ្រូពេទ្យជំនាញឱ្យបានទាន់ពេលវេលា ដើម្បីការពារផលវិបាកសុខភាពធ្ងន់ធ្ងរនៅថ្ងៃក្រោយ៕