យោងតាមការចុះផ្សាយពីប្រភពបរទេស លោកវេជ្ជបណ្ឌិតព្រមានថា ទម្លាប់ញ៉ាំអាហារថ្ងៃត្រង់លឿនពេក (តិចជាង ១០ នាទី) គឺជាការបំផ្លាញសុខភាពយ៉ាងធ្ងន់ធ្ងរ។
ការញ៉ាំបង្ខំធ្វើឱ្យក្រពះធ្វើការធ្ងន់ បង្កជាបញ្ហាហើមពោះ មិនរំលាយអាហារ ហូរច្រាលអាស៊ីត និងធ្វើឱ្យយើងញ៉ាំលើសចំណុះដោយមិនដឹងខ្លួន ព្រោះខួរក្បាលត្រូវការពេល ២០ នាទីដើម្បីទទួលសញ្ញាឆ្អែត។ លើសពីនេះ វាបង្កើនសារធាតុរលាកក្នុងរាងកាយ នាំឱ្យស៊ាំនឹងអាំងស៊ុយលីន និងប្រឈមខ្ពស់នឹងជំងឺទឹកនោមផ្អែមប្រភេទទី២។
ដើម្បីការពារសុខភាព អ្នកជំនាញណែនាំឱ្យញ៉ាំយឺតៗ ទំពារឱ្យបាន ១៥ ទៅ ២០ ដងក្នុងមួយម៉ាត់ និងពន្យារពេលញ៉ាំក្នុងមួយពេលឱ្យបានពី ១៥ ទៅ ២០ នាទី ដើម្បីផ្តល់ឱកាសឱ្យប្រព័ន្ធរំលាយអាហារបំពេញមុខងារបានល្អបំផុត៕