យោងតាមការចុះផ្សាយពីប្រភពបរទេស ការកើតមុនរ៉ាំរ៉ៃដដែលៗនៅទីតាំងជាក់លាក់លើផ្ទៃមុខ អាចជាកញ្ចក់ឆ្លុះបញ្ចាំងពីអាការៈខ្សោយនៃសរីរាង្គខាងក្នុងរាងកាយរបស់អ្នក។
ក្នុងនោះ មុននៅលើថ្ពាល់ខាងឆ្វេងច្រើនតែផ្សារភ្ជាប់នឹងដំណើរការបន្សាបជាតិពុលរបស់ថ្លើម ខណៈថ្ពាល់ខាងស្តាំទាក់ទងនឹងសួតខ្សោយផ្លូវដង្ហើម ឬមានអាឡែស៊ី។ ចំពោះមុននៅលើថ្ងាស មានទំនាក់ទំនងយ៉ាងជិតស្និទ្ធនឹងប្រព័ន្ធបេះដូងលោតញាប់ ដំណើរការឈាមរត់មិនល្អ ភាពស្ត្រេសខ្លាំង ឬតម្រងនោមផ្ទុកជាតិពុលហួសកម្រិត។
ដោយឡែក តំបន់ចង្ការជារង្វាស់នៃប្រែប្រួលអ័រម៉ូន ដែលចំពោះស្ត្រីអាចទាក់ទងនឹងបញ្ហាស្បូន ឬក្រពេញអូវែ ខណៈបុរសអាចជាការព្រមានថាដំណើរការតម្រងនោមមានភាពចុះខ្សោយ។ ស្រដៀងគ្នានេះដែរ មុននៅលើខ្ទង់ច្រមុះស្តែងចេញពីស្ថានភាពក្រពះមានកម្ដៅខ្លាំង រំលាយអាហារមិនល្អ ចំណែកឯមុនជុំវិញមាត់ឆ្លុះបញ្ចាំងពីសុខភាពពោះវៀនខ្សោយដោយសារទម្លាប់ញ៉ាំអាហារហឹរ ខ្លាញ់ ឬផ្អែមខ្លាំង និងអាចទាក់ទងនឹងជំងឺទឹកនោមផ្អែម។
ចុងក្រោយគឺមុននៅត្រង់ប្រាសាទជិតគល់សក់ ដែលមានទំនាក់ទំនងយ៉ាងជិតស្និទ្ធនឹងថង់ប្រមាត់ដំណើរការខ្សោយ ធ្វើឱ្យរាងកាយពិបាករំលាយជាតិខ្លាញ់ និងកកកុញជាតិពុលចេញមកលើស្បែក។ ដូច្នេះ ប្រសិនបើមានមុនកើតដដែលៗនៅទីតាំងទាំងនេះក្នុងរយៈពេលយូរ អ្នកដាច់ខាតមិនត្រូវមើលរំលងឡើយ ហើយគួរតែទៅពិនិត្យសុខភាពដើម្បីព្យាបាលឱ្យចំប្រភពជំងឺ៕