យោងតាមការចុះផ្សាយពីប្រភពបរទេស ការអប់រំកូនដ៏ខុសឆ្គងមួយគឺ ការដៀលត្មះ ឬបន្ទាបបន្ថោកកូននៅចំពោះមុខអ្នកដទៃ គ្រាន់តែដើម្បីបង្ហាញពីភាព «គួរសម» ឬចង់ឱ្យគេឃើញថាខ្លួន «ចេះប្រដៅកូន»។ ពេលអ្នកដទៃរិះគន់ ឬបង្អាប់កូន ឪពុកម្តាយខ្លះបែរជាហក់ទៅជួយបន្ថែមតាមគេតាមឯង ដែលទម្លាប់នេះបានបង្កើតរបួសផ្លូវចិត្តយ៉ាងជ្រៅ និងធ្វើឱ្យកូនមានអារម្មណ៍ថាឯកោ គ្មានទីពឹង និងបាត់បង់ទំនុកចិត្តលើខ្លួនឯង ព្រោះសូម្បីតែឪពុកម្តាយដែលជាបង្អែកចុងក្រោយ ក៏ឈរនៅខាងអ្នកដទៃដែរ។
អ្នកដទៃអាចនិយាយរិះគន់ហើយដើរចេញដោយមិនទទួលខុសត្រូវលើអនាគតរបស់កូនឡើយ ប៉ុន្តែសម្តីរបស់ឪពុកម្តាយនឹងចាក់ឫសក្នុងចិត្តកូនអស់មួយជីវិត។ ឪពុកម្តាយដែលស្រឡាញ់កូនពិតប្រាកដ ត្រូវដឹងថាទោះបីជាពិភពលោកទាំងមូលបែរខ្នងដាក់កូន ក៏ខ្លួនត្រូវតែជាអ្នកការពារ និងផ្តល់ភាពកក់ក្តៅដល់កូនដែរ។
បើកូនធ្វើខុស គួរតែបិទទ្វារប្រដៅគ្នាតាមសម្រួលនៅក្នុងផ្ទះ ដោយរក្សាកិត្តិយស ឱ្យកូននៅចំពោះមុខអ្នកដទៃ ព្រោះការទទួលបានក្តីស្រឡាញ់ និងការទុកចិត្តពីឪពុកម្តាយ គឺជាថាមពលដ៏ធំបំផុតដែលជួយឱ្យកូនធំធាត់ឡើងដោយរឹងមាំ និងមានភាពជឿជាក់៕