យោងតាមការចុះផ្សាយពីប្រភពបរទេស ការរត់មិនត្រឹមតែល្អសម្រាប់បេះដូង និងរាងកាយនោះទេ ប៉ុន្តែវាគឺជាជំនួយការដ៏ពូកែក្នុងការជំរុញសមត្ថភាព និងភាពធន់ក្នុងរឿងផ្លូវភេទសម្រាប់បុរស ដោយការបង្កើនកម្លាំងស៊ូក្នុងការរត់ប្រចាំថ្ងៃត្រឹម ១ នាទី អាចជួយពន្យារការរួមរក្សបានពី ២ ទៅ ៣ នាទី។
មូលហេតុព្រោះការរត់ជួយសម្រួលដល់ប្រព័ន្ធសរសៃឈាមរត់បានសព្វសាច់ដុំអាងត្រគាក ជួយឱ្យការឡើងរឹងបានរហ័សនិងយូរអង្វែង ព្រមទាំងជួយជំរុញអ័រម៉ូនបុរសតេស្តូស្តេរ៉ូនឱ្យកើនឡើងជាប្រចាំ ដែលជាភ្នាក់ងារសម្រេចលើចំណង់និងកម្លាំងស៊ូ។ ជាងនេះទៅទៀត វាក៏ជួយពង្រឹងសាច់ដុំភ្លៅ សាច់ដុំស្នូល ព្រមទាំងជួយឱ្យចេះគ្រប់គ្រងចង្វាក់ដង្ហើមបានល្អ ដែលជាគន្លឹះជួយទប់ស្កាត់បញ្ហាការបញ្ចេញទឹកកាមលឿនពេក ព្រមទាំងជួយកាត់បន្ថយភាពតានតឹងផ្លូវចិត្តបានយ៉ាងពូកែ។
ដើម្បីទទួលបានផលល្អបំផុត បុរសគួររក្សាទម្លាប់រត់ក្នុងកម្រិតមធ្យមពី ២០ ទៅ ៣០ នាទីក្នុងមួយថ្ងៃ ឱ្យបាន ៣ ដងក្នុងមួយសប្តាហ៍ ហើយលទ្ធផលនៃប្រព័ន្ធបេះដូង និងអ័រម៉ូននឹងស្តែងចេញច្បាស់លាស់ក្រោយពេលរក្សាទម្លាប់សន្សំកម្លាំងកាយនេះបានពី ៦ ទៅ ៨ សប្តាហ៍ឡើងទៅ៕