យោងតាមការចុះផ្សាយពីប្រភពបរទេស ការញ៉ាំស៊ុតស្ងោរដើម្បីបំប៉នសក់ជារឿងល្អ ប៉ុន្តែវាមិនទាន់គ្រប់គ្រាន់ឡើយ បើអ្នកនៅតែមានទម្លាប់ចូលគេងយឺត។
បើតាមអ្នកជំនាញសើស្បែក អាថ៌កំបាំងដ៏ធំបំផុតដែលតារាចម្រៀងល្បីឈ្មោះមួយរូបអនុវត្តជាប្រចាំគឺការចូលគេងឱ្យបានមុនម៉ោង ៩:៣០ យប់ ព្រោះការគេងលក់ស្កប់ស្កល់គឺជា «ពេលវេលាមាស» សម្រាប់រាងកាយជួសជុលកោសិកាស្បែក និងបណ្ដុះឫសសក់ឱ្យរឹងមាំ។
អ្នកជំនាញបានពន្យល់ថា ចន្លោះពីម៉ោង ១១ យប់ ដល់ ២ ភ្លឺ ជាពេលដែលរាងកាយបញ្ចេញអ័រម៉ូនលូតលាស់ ខ្លាំងបំផុត ដើម្បីជំរុញការផលិតជាតិកូឡាជែន និងការបំបែកកោសិកាឫសសក់។ ប្រសិនបើអ្នកខ្វះការគេង អ័រម៉ូនស្ត្រេសនឹងកើនឡើង ដែលនាំឱ្យសក់ងាយជ្រុះ ស្បែកស្រអាប់ និងឆាប់ចាស់ជាងវ័យ។
ការគេងបានគ្រប់គ្រាន់ពី ៧ ទៅ ៨ ម៉ោង និងការចូលគេងឱ្យបានមុនម៉ោង ១១ យប់ គឺជាវិធីសាស្ត្រថែរក្សាសម្រស់ពីឫសគល់ដែលផលិតផលថ្លៃៗមិនអាចធ្វើជំនួសបានឡើយ៕