យោងតាមការចុះផ្សាយពីប្រភពបរទេស នៅពេលអាកាសធាតុក្ដៅខ្លាំង រាងកាយមនុស្សយើងងាយនឹងបាត់បង់ថាមពល ធ្វើឱ្យមានអារម្មណ៍ល្វើយ អស់កម្លាំង និងងងុយដេកទោះបីជាសម្រាកគ្រប់គ្រាន់ក៏ដោយ។
បើតាមក្បួនបុរាណ ការជ្រើសរើសទទួលទានពងមាន់ស្ងោរជាមួយសំបកគ្រាប់វាល់ណាត់ ២ ទៅ ៣ ដងក្នុងមួយសប្តាហ៍សម្រាប់អាហារពេលព្រឹក គឺជាវិធីសាស្ត្រដ៏ប្រសើរក្នុងការជួយបំប៉នតម្រងនោម និងស្ដារ “ធាតុជីវិត” ឱ្យរឹងមាំឡើងវិញ។ វិធីធ្វើគឺងាយៗ ដោយគ្រាន់តែយកសំបកគ្រាប់វាល់ណាត់ (រួមទាំងស្រទាប់ស្ដើងខាងក្នុង) ទៅដាំទឹកឱ្យចេញពណ៌ រួចដាក់ពងមាន់ចូលស្ងោរឱ្យឆ្អិន និងបំបែកសំបកបន្តិចដើម្បីឱ្យទឹកឱសថជ្រាបចូលក្នុងសាច់ពង។
ទោះជាយ៉ាងណា ដើម្បីទទួលបានប្រសិទ្ធភាពខ្ពស់ អ្នកគួរលាងសម្អាតសំបកគ្រាប់ឱ្យបានស្អាតល្អ មិនគួរទទួលទានលើសកម្រិត និងត្រូវចងចាំថាវាគ្រាន់តែជាអាហារបំប៉នជំនួយសុខភាពបន្ថែមពីលើការសម្រាក និងរបបអាហារដែលមានតុល្យភាពប៉ុណ្ណោះ៕