កាហ្វេគឺជាភេសជ្ជៈដ៏ពេញនិយមបំផុតមួយនៅលើពិភពលោកយើងនេះ។ នេះដោយសារតែវាផ្ទុកទៅដោយអង់ទីអុកស៊ីដង់ និងជីវជាតិមានប្រយោជន៍ផ្សេងៗទៀត ទើបធ្វើឲ្យវាក្លាយទៅជាភេសជ្ជដ៏ល្អចំពោះសុខភាពបែបនេះ។ តាមការសិក្សាជាច្រើនបានបង្ហាញថា អ្នកញ៉ាំកាហ្វេគឺមិនងាយមានជំងឺអ្វីធ្ងន់ធ្ងរច្រើនឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះគឺជាអត្ថប្រយោជន៍នៃការញ៉ាំកាហ្វេដែលវាត្រូវបានទទួលស្គាល់តាមបែបវិទ្យាសាស្រ្តថែមទៀត៖

  • ជាតិកាហ្វេអ៊ីនរបស់កាហ្វេ នឹងទៅទប់ស្កាត់សារធាតុចម្លងសរសៃប្រសាទក្នុងខួរក្បាល ហើយក៏ធ្វើឲ្យមានការភ្ញោចដល់ខួរក្បាលបន្ថែម។ រឿងនេះនឹងពង្រឹងដល់ថាមពលក្នុងខ្លួន អារម្មណ៍ល្អ និងមុខងាររបស់ខួរក្បាលផ្សេងៗទៀត
  • ការសិក្សាជាច្រើនបានបង្ហាញថា ជាតិកាហ្វេអ៊ីនអាចបង្កើនការរំលាយជាតិខ្លាញ់ និងបង្កើនអត្រានៃការរំលាយអាហារថែមទៀត
  • ជាតិកាហ្វេអ៊ីនអាចបង្កើនចំនួន Adrenaline និងបញ្ចេញអាស៊ីតខ្លាញ់ពីក្នុងជាលិកាខ្លាញ់ថែមទៀត។ វាក៏នាំឲ្យមានការរីកចម្រើនលើការងារផ្សេងៗទៀតដែលតម្រូវឲ្យអនុវត្តទាំងរាងកាយ
  • កាហ្វេផ្ទុកទៅដោយជីវជាតិសំខាន់ៗជាច្រើនដូចជា Riboflavin, Panthothenic Acid, ម៉ាញ៉េស្យូម ប៉ូតាស្យូម ម៉ង់ហ្គាណេស និង Niacin។ (អាន:ថ្នាំងងុយគេង ពេលអ្នកគួរប្រើ)
  • ការសិក្សាបែបសង្កេតជាច្រើនបានបង្ហាញថា អ្នកញ៉ាំកាហ្វេមានការប្រឈមតិចតួចនឹងជំងឺទឹកនោមផ្អែម ដែលជាជំងឺធ្ងន់ធ្ងរមួយកើតឡើងលើមនុស្សរាប់លាននាក់នៅទូរទាំងពិភពលោក
  • អ្នកញ៉ាំកាហ្វេមិនសូវមានការប្រឈមនឹងជំងឺភ្លេចភ្លាំងពេលចាស់ជរាទេ
  • អ្នកញ៉ាំកាហ្វេអាចបន្ថយការប្រឈមនឹងជំងឺ Parkinson’s រហូតដល់ ៦០ភាគរយ ដែលវាជាជំងឺសរសៃប្រសាទកើតឡើងញឹកញាប់បំផុត
  • អ្នកញ៉ាំកាហ្វេមិនងាយកើតជំងឺគ្រិនថ្លើមឡើង
  • កាហ្វេអាចបន្ថយការកើតជំងឺបាក់ទឹកចិត្ត និងបន្ថយអត្រានៃការធ្វើអត្តឃាដខ្លួនឯងយ៉ាងអស្ចារ្យផង។
  • ជំងឺមហារីកថ្លើម និងពោះវៀនធំគឺជាជំងឺដែលនាំឲ្យស្លាប់ចំណាត់ថ្នាក់ទី ៣ និងទី៤។ តែអ្នកញ៉ាំកាហ្វេអាចបន្ថយការប្រឈមនឹងជំងឺទាំងពីរនេះបាន។ 
  • កាហ្វេប្រហែលជាធ្វើឲ្យលើសសម្ពាធឈាមតិចតួច ដែលវាច្រើនតែបាត់ទៅវិញទេ។ អ្នកញ៉ាំកាហ្វេមិនមានការប្រឈមនឹងជំងឺបេះដូងទេ តែអាចបន្ថយការប្រឈមនឹងជំងឺដាច់សរសៃឈាមខួរក្បាលថែមទៀត។ 
  • ការសិក្សាជាច្រើនបានបង្ហាញថា អ្នកញ៉ាំកាហ្វេអាចរស់នៅយូរជាង និងបន្ថយការឆាប់ស្លាប់មុនអាយុទៀត
  • កាហ្វេសម្បូរទៅដោយអង់ទីអុកស៊ីដង់ខ្លាំងៗ ហើយមនុស្សភាគច្រើននឹងទទួលបានអង់ទីអុកស៊ីដង់កាន់តែច្រើនពីកាហ្វេជាងបន្លែនិងផ្លែឈើទៅទៀត៕