យោងតាមការចុះផ្សាយពីប្រភពបរទេស បញ្ហាជ្រុះសក់ និងសក់ស្ដើង គឺជាកង្វល់ដ៏ធំរបស់មនុស្សជាច្រើន ប៉ុន្តែដំណោះស្រាយដ៏មានប្រសិទ្ធភាពបំផុតគឺចាប់ផ្ដើមចេញពីរបបអាហារប្រចាំថ្ងៃ ដើម្បីចិញ្ចឹមឫសសក់ពីខាងក្នុង។
បើតាមអ្នកជំនាញអាហារូបត្ថម្ភ សារធាតុចិញ្ចឹម ៥ ក្រុមដែលមិនអាចខ្វះបានរួមមាន ប្រូតេអ៊ីនដែលជាវត្ថុធាតុដើមចម្បងសម្រាប់បង្កើតសក់មានក្នុងត្រី សាច់ ស៊ុត ជាតិស័ង្កសីជួយដល់ការដុះសក់ មានក្នុងអយស្ទ័រ ឬគ្រំជាតិដែកការពារការជ្រុះសក់ដោយសារខ្វះឈាម មានក្នុងថ្លើមសត្វ ក្រុមវីតាមីនចម្រុះសម្រាប់ជួយដល់ការលូតលាស់ មានក្នុងផ្លែឈើអម្បូរក្រូច និងសារធាតុជួយតុល្យភាពអ័រម៉ូន មានក្នុងទឹកសណ្ដែក។
យ៉ាងណាមិញ គន្លឹះដ៏សំខាន់បំផុតដែលអ្នកជំនាញបង្ហើបឱ្យដឹងនោះគឺ “ការទទួលទានស៊ុតស្ងោរឱ្យឆ្អិនល្អ”។ ថ្វីត្បិតតែស៊ុតសម្បូរទៅដោយសារធាតុដែលជួយឱ្យសក់ដុះបានល្អ ប៉ុន្តែប្រសិនបើអ្នកទទួលទានស៊ុតឆៅ ឬស៊ុតជ័រភ្នៅ ផ្នែកសនៃស៊ុតឆៅនឹងរារាំងការស្រូបយក Biotin ចូលទៅក្នុងរាងកាយ ដែលធ្វើឱ្យការខិតខំរបស់អ្នកប្រែជាឥតប្រយោជន៍។ ក្រៅពីនេះ ការទទួលទានខ្ញីក្ដៅៗដើម្បីជួយដល់ចរន្តឈាមស្បែកក្បាល និងសូកូឡាខ្មៅដើម្បីបន្ថែមជាតិដែក ក៏ជាជំនួយការដ៏ល្អផងដែរ។
ការព្យាបាលបញ្ហាជ្រុះសក់ទាមទារពេលវេលា និងការអត់ធ្មត់ ដូច្នេះការញ៉ាំឱ្យត្រូវ និងញ៉ាំឱ្យគ្រប់គ្រាន់ គឺជាសោរជោគជ័យដ៏ធំបំផុតដើម្បីទទួលបានសក់ក្រាស់រឹងមាំត្រឡប់មកវិញ៕