យោងតាមការចុះផ្សាយពីប្រភពបរទេស ជនជាតិជប៉ុនមានវិធីសាស្ត្រពិសេសក្នុងការប្រើប្រាស់ផ្លែប៉ោមដើម្បីរក្សារាង និងពន្យារអាយុជីវិត ដោយពួកគាត់និយមទទួលទាន “ផ្លែប៉ោមឆ្អិន” ជំនួសឱ្យការញ៉ាំឆៅ។
បើតាមការបកស្រាយរបស់វេជ្ជបណ្ឌិតជប៉ុនការប្រើកម្ដៅចម្អិនផ្លែប៉ោមគឺជាជំហានវិទ្យាសាស្ត្រដ៏សំខាន់ដើម្បីបញ្ចេញសារធាតុ “មាស” ដែលជួយឱ្យរាងកាយដុតបំផ្លាញខ្លាញ់ និងសម្អាតសរសៃឈាមបានយ៉ាងអស្ចារ្យតាមរយៈមូលហេតុសំខាន់ៗ៖
ការចម្អិនផ្លែប៉ោមធ្វើឱ្យសារធាតុជាតិសរសៃរលាយបំបែកជាម៉ូលេគុលតូចៗ ដែលបង្កើនប្រសិទ្ធភាពក្នុងការបឺតស្រូបខ្លាញ់អាក្រក់ និងកូឡេស្តេរ៉ុលចេញពីជញ្ជាំងសរសៃឈាមបានខ្លាំងជាងការញ៉ាំឆៅដល់ទៅ ៩ ដង។ ក្នុងពេលជាមួយគ្នា សារធាតុដែលកើនឡើងក្រោយការចម្អិន នឹងជួយរារាំងការស្រូបយកជាតិខ្លាញ់ថ្មី និងជំរុញការបំបែកខ្លាញ់កកក្នុងសរីរាង្គខាងក្នុង។ លើសពីនេះ ផ្លែប៉ោមឆ្អិនជួយឱ្យរាងកាយផលិតប្រូតេអ៊ីន បានល្អជាងមុន ដែលដើរតួជាអ្នកបោសសម្អាតជាតិពុលក្នុងប្រព័ន្ធរបត់ឈាម ធ្វើឱ្យការរំលាយអាហារកើនឡើងខ្ពស់ និងការពារការឡើងរឹងនៃសរសៃឈាម។
ដើម្បីអនុវត្តតាមរូបមន្តជប៉ុន អ្នកគួរលាងផ្លែប៉ោមឱ្យស្អាត រួចយកទៅចំហុយ ឬដាក់ក្នុងម៉ាស៊ីនខ្នាតតូច ទាំងសំបក ព្រោះសំបកគឺជាកន្លែងសម្បូរជីវជាតិបំផុត។ ចំណុចសំខាន់គឺ ដាច់ខាតមិនត្រូវបន្ថែមស្ករ ឬទឹកឃ្មុំឡើយ ដើម្បីរក្សាសមត្ថភាពដុតបំផ្លាញខ្លាញ់។ អ្នកអាចញ៉ាំប៉ោមឆ្អិនជាមួយយ៉ាអួរគ្មានជាតិស្ករនៅពេលព្រឹក ដើម្បីជួយឱ្យប្រព័ន្ធរំលាយអាហារដំណើរការបានល្អ ជួយឱ្យរាងកាយស្រាលស្រឡះ និងមានសុខភាពមាំមួនជានិច្ច៕