យោងតាមការចុះផ្សាយពីប្រភពរទេស ជំងឺដាច់សរសៃឈាមខួរក្បាល មិនមែនកើតឡើងដោយគ្មានការព្រមាននោះទេ ប៉ុន្តែវាជារឿយៗតែងតែបញ្ជូនសញ្ញា “សង្គ្រោះបន្ទាន់” មកមុនប៉ុន្មានថ្ងៃ ដែលមនុស្សភាគច្រើនតែងតែមើលរំលង។ តាមការណែនាំរបស់វេជ្ជបណ្ឌិត អ្នកជំនាញអាម៉េរិក ប្រសិនបើអ្នកសង្កេតឃើញអាការៈមិនធម្មតាទាំងនេះ អ្នកត្រូវតែប្រុងប្រយ័ត្នជាទីបំផុត។
សញ្ញាទីមួយគឺ ការឈឺក្បាលយ៉ាងខ្លាំង ដែលកើតឡើងដោយសារកំណកឈាមចាប់ផ្តើមស្ទះ បង្កើនសម្ពាធក្នុងខួរក្បាល និងអាចអមមកជាមួយនូវអាការៈចង់ក្អួត។ សញ្ញាទីពីរដែលមនុស្សងាយនឹងធ្វេសប្រហែសបំផុតគឺ ការភើជាប់ៗគ្នាដែលមិនព្រមបាត់ ដែលវាអាចជាសញ្ញាបញ្ជាក់ថាខួរក្បាលផ្នែកបញ្ជាសរសៃប្រសាទចាប់ផ្តើមរងការខូចខាត។ ចំណែកសញ្ញាទីបីគឺ ការឈឺណែនទ្រូង ដែលបង្ហាញថាលំហូរឈាម និងអុកស៊ីហ្សែនទៅកាន់បេះដូង និងខួរក្បាលកំពុងត្រូវបានរារាំងដោយកំណកឈាម។
ក្រៅពីសញ្ញាព្រមានមុនទាំងនេះ ប្រសិនបើអ្នកជួបអាការៈភ្លាមៗដូចជា វៀចមុខម្ខាង លើកដៃមិនរួច ឬនិយាយមិនច្បាស់ នោះមានន័យថាគ្រោះថ្នាក់បានមកដល់ហើយ។ វេជ្ជបណ្ឌិតបានសង្កត់ធ្ងន់ថា រាងកាយតែងតែព្យាយាមប្រាប់យើងជានិច្ច អ្វីដែលសំខាន់គឺតើយើងព្រម “ស្ដាប់” និងទៅពិគ្រោះជាមួយគ្រូពេទ្យឱ្យបានទាន់ពេលវេលាដែរឬទេ?