យោងតាមការចុះផ្សាយពីប្រភពបរទេស ធ្លាប់ឆ្ងល់ទេថា ហេតុអ្វីបានជាស៊ុតស្ងោរខ្លះមានរង្វង់ពណ៌ខៀវប្រផេះនៅជុំវិញស្នូលក្រហម? តើវាបណ្តាលមកពីស៊ុតខូច ឬមានជាតិគីមី?
តាមពិតទៅ នេះគ្រាន់តែជាប្រតិកម្មគីមីធម្មជាតិរវាងជាតិដែកនៅក្នុងស្នូលក្រហម និងជាតិស្ពាន់ធ័រនៅក្នុងស្នូលសរដែលបង្កើតបានជារ៉ែស៊ុលហ្វីតនៅពេលស៊ុតប៉ះនឹងកម្តៅខ្លាំង ឬយូរពេក។
ទោះបីជាមើលទៅមិនសូវគួរឱ្យចង់ញ៉ាំ ប៉ុន្តែអ្នកជំនាញអាហារូបត្ថម្ភបានបញ្ជាក់ថា វាគ្មានគ្រោះថ្នាក់អ្វីឡើយ។ ស៊ុតដែលមានរង្វង់ពណ៌ខៀវនៅតែអាចញ៉ាំបានដោយសុវត្ថិភាព ប៉ុន្តែវាគ្រាន់តែអាចមានសាច់រឹងជាងមុន បែកម្សៅ និងមានក្លិនស្ពាន់ធ័របន្តិចបន្តួច ដែលធ្វើឱ្យរសជាតិមិនសូវឆ្ងាញ់ដូចស៊ុតដែលស្ងោរឆ្អិនល្មម។
ដើម្បីជៀសវាងបញ្ហានេះ និងទទួលបានស៊ុតស្ងោរដ៏ល្អឥតខ្ចោះ អ្នកគួរអនុវត្តតាមបច្ចេកទេសងាយៗ៖ ប្រើប្រាស់ស៊ុតដែលនៅស្រស់ ស្ងោរក្នុងរយៈពេលសមស្រប (មិនត្រូវទុកឱ្យពុះខ្លាំងពេក) ហើយអ្វីដែលសំខាន់បំផុតនោះគឺត្រូវ ត្រាំស៊ុតក្នុងទឹកកកភ្លាមៗ បន្ទាប់ពីស្ងោរឆ្អិន ដើម្បីបញ្ឈប់ប្រតិកម្មគីមី និងជួយឱ្យងាយស្រួលបកសំបកទៀតផង។
សរុបមក រង្វង់ពណ៌ខៀវគ្រាន់តែជាសញ្ញាប្រាប់ថាអ្នក “ស្ងោរយូរពេក” ប៉ុណ្ណោះ វាមិនមែនជាសញ្ញានៃអាហារពុលនោះទេ៕