យោងតាមការចុះផ្សាយពីប្រភពបរទេស ការចិតសំបកបន្លែផ្លែឈើចោល គឺជាការបោះបង់ចោលនូវប្រភពវីតាមីន និងសារធាតុប្រឆាំងអុកស៊ីតកម្មដ៏សំខាន់បំផុត ព្រោះសំបកគឺជា «របងការពារ» របស់រុក្ខជាតិដែលផ្ទុកជីវជាតិខ្ពស់ជាងសាច់ខាងក្នុង។
សំបកឆៃថាវ និងសំបកល្ពៅ សម្បូរទៅដោយជាតិរ៉ែ និង Beta-carotene ដែលជួយការពារបេះដូង និងពង្រឹងភ្នែក ខណៈសំបកដំឡូងជ្វា និងសំបកប៉ោម គឺជាប្រភពជាតិសរសៃដ៏មហាសាល ជួយដល់ប្រព័ន្ធរំលាយអាហារ សម្រកទម្ងន់ និងការពារភ្នាសពោះវៀនបានយ៉ាងល្អ។ ដោយឡែក សំបកដំឡូងឈាមមាន់ ក៏មានសារធាតុជួយប្រឆាំងការរលាក និងជួសជុលកោសិកាដែលខូចខាតផងដែរ។
ដើម្បីទទួលបានអត្ថប្រយោជន៍ទាំងនេះ អ្នកគ្រាន់តែលាងសម្អាតឱ្យបានស្អាតល្អ រួចយកទៅចម្អិន ឬទទួលទានទាំងសំបក នោះអ្នកនឹងទទួលបានជីវជាតិពេញលេញសម្រាប់រាងកាយ ដោយមិនចាំបាច់ចំណាយប្រាក់ទិញថ្នាំបំប៉នបន្ថែមឡើយ៕