យោងតាមការចុះផ្សាយពីប្រភពបរទេស ការញ៉ាំវីតាមីន C រំលាយក្នុងទឹក កម្រិតខ្ពស់ជារៀងរាល់ថ្ងៃដើម្បីបង្កើនភាពស៊ាំ អាចក្លាយជាអាវុធមុខពីរដែលបំផ្លាញតម្រងនោមយ៉ាងធ្ងន់ធ្ងរ។
ប្រសិនបើរាងកាយទទួលបានវីតាមីន C លើសពីតម្រូវការ (លើសពី ២,០០០ មិល្លីក្រាមក្នុងមួយថ្ងៃ) ជាតិវីតាមីនដែលនៅសល់នឹងត្រូវបំប្លែងទៅជាអាស៊ីតដែលនៅពេលវាជួបជាមួយកាល់ស្យូមក្នុងទឹកនោម វានឹងកកើតទៅជាគ្រីស្តាល់រឹងបង្កជាក្រួសក្នុងតម្រងនោមយ៉ាងច្រើនសន្ធឹកសន្ធាប់។ បន្ថែមពីនេះ វីតាមីន C គ្រាប់បែកក៏មានផ្ទុកជាតិសូដ្យូមខ្ពស់ ដែលបង្កហានិភ័យដល់អ្នកមានជំងឺលើសឈាម និងបង្កើនសម្ពាធដល់តម្រងនោមខ្លាំង។ ដើម្បីសុវត្ថិភាព អ្នកជំនាញណែនាំឱ្យងាកមកបំពេញវីតាមីន C ពីផ្លែឈើធម្មជាតិដូចជា ផ្លែត្របែក ឬគីវីវិញ ដែលផ្តល់ជីវជាតិពេញលេញ និងងាយស្រួលស្រូបយក ដោយមិនបង្កផលប៉ះពាល់ដល់សុខភាពយូរអង្វែងឡើយ៕