យោងតាមការចុះផ្សាយពីប្រភពបរទេស នៅពេលរឿងលើគ្រែចាប់ផ្ដើមធ្លាក់ចុះ បុរសៗមិនចាំបាច់ប្រញាប់ស្វែងរកថ្នាំជំនួយ ឬគ្លីនិកថ្លៃៗនោះទេ ព្រោះការកែប្រែទម្លាប់រស់នៅតាមបែបធម្មជាតិ គឺជាដំណោះស្រាយដែលមានចីរភាព និងសុវត្ថិភាពបំផុត។
បើគោលការណ៍សុខភាព នេះគឺជាវិធីសាស្ត្រ ៦ យ៉ាងដែលជួយដាស់ថាមពលបុរសឱ្យត្រឡប់មកវិញ៖
ការចាប់ផ្ដើមដោយ ការហាត់ប្រាណបែបកាត្យូ ដូចជាការរត់ ឬហែលទឹក ជួយឱ្យប្រព័ន្ធរបត់ឈាមរត់បានល្អ ដែលវាមានសារៈសំខាន់បំផុតសម្រាប់ការឡើងរឹងនៃអង្គជាតិ។ ទន្ទឹមនឹងនេះ ការជ្រើសរើសអាហារ ដែលសំបូរទៅដោយជាតិស័ង្កសី និងវីតាមីន D ដូចជាស៊ុត គ្រាប់ធញ្ញជាតិ និងត្រីសាម៉ុង នឹងជួយបង្កើនអ័រម៉ូនតេស្តូស្តេរ៉ូនដោយផ្ទាល់។ ការ កាត់បន្ថយខ្លាញ់ក្បាលពោះ ក៏ជារឿងមិនអាចរំលងបាន ព្រោះខ្លាញ់ត្រង់ចំណុចនេះគឺជាសត្រូវដែលរារាំងការផលិតអ័រម៉ូនបុរស។
ក្រៅពីនេះ ការ ផ្ដាច់បារី និងកាត់បន្ថយគ្រឿងស្រវឹង នឹងជួយឱ្យសរសៃឈាមរឹងមាំឡើងវិញ ខណៈដែល ការគេងឱ្យបាន ៧-៨ ម៉ោង ក្នុងមួយយប់ គឺជាពេលវេលាដែលរាងកាយផលិតអ័រម៉ូនភេទបានពេញលេញបំផុត។ ជាចុងក្រោយ តិចនិកដែលបុរសគ្រប់រូបគួរហាត់គឺ ការហាត់សាច់ដុំអាងត្រគាក ដែលជួយឱ្យអ្នកអាចគ្រប់គ្រងការបញ្ចេញទឹកកាម និងពង្រឹងការឡើងរឹងបានយូរជាងមុន។
ការអនុវត្តវិធីទាំងនេះត្រឹមតែប៉ុន្មានសប្តាហ៍ នឹងធ្វើឱ្យអ្នកឃើញពីការប្រែប្រួលនៃសមត្ថភាពរាងកាយយ៉ាងច្បាស់៕