​កុំឱ្យចិត្តល្អក្រខ្លួន! ចំណាំទុក មនុស្ស៣យ៉ាង មិនគួរឱ្យខ្ចីលុយ បើមិនចង់ស្ដាយក្រោយ

យោងតាមការចុះផ្សាយពីប្រភពរទេស ការគ្រប់គ្រងហិរញ្ញវត្ថុឱ្យនៅគង់វង្សទាមទារឱ្យអ្នកមានគោលការណ៍ច្បាស់លាស់ក្នុងការចាយវាយ និងការទំនាក់ទំនង។

ចូរចងចាំថា មនុស្សដែលអ្នកមិនគួរឱ្យខ្ចីលុយដាច់ខាតគឺ មនុស្សដែលគ្មានសច្ចភាពចូលចិត្តកុហកភូតភរ មនុស្សខ្ជិលច្រអូសតែចូលចិត្តស៊ីចាយហ៊ឺហាលើសសមត្ថភាព និងមនុស្សដែលបាត់មុខយូរស្រាប់តែលេចមុខមកដើម្បីតែខ្ចីលុយ ព្រោះពួកគេនឹងនាំទុក្ខមកឱ្យអ្នកនៅថ្ងៃក្រោយ។

ទន្ទឹមនឹងនេះ អ្នកក៏មិនត្រូវដកកាបូបចំណាយលើរឿង ៣ យ៉ាងទៀតនោះដែរ គឺការវិនិយោគលើអ្វីដែលខ្លួនមិនយល់ច្បាស់តាមតែពាក្យគេប្រាប់ ការចំណាយលុយទិញសម្ភារៈបង្អួតយកមុខមាត់ក្លែងក្លាយទាំងដែលធនធានមិនអំណោយផល និងការចូលហ៊ុនរកស៊ីដោយសារតែភាពក្រែងចិត្តមនោសញ្ចេតនាដោយគ្មានកិច្ចសន្យាច្បាស់លាស់។

ការរក្សាជំហររឹងមាំលើគោលការណ៍ទាំងនេះ មិនត្រឹមតែជួយការពារទ្រព្យសម្បត្តិរបស់អ្នកប៉ុណ្ណោះទេ ប៉ុន្តែថែមទាំងជួយរក្សាសេចក្ដីសុខផ្លូវចិត្ត និងមិត្តភាពឱ្យនៅស្ថិតស្ថេរយូរអង្វែងផងដែរ​៕