យោងតាមការចុះផ្សាយពីប្រភពរទេស ទូទឹកកកមិនមែនជា «ឃ្លាំងផ្ទុកឥតដែនកំណត់» សម្រាប់អាហារគ្រប់ប្រភេទនោះទេ។
ការយល់ច្រឡំថាការដាក់អ្វីគ្រប់យ៉ាងចូលទូទឹកកកនឹងជួយឱ្យអាហារស្រស់បានយូរ អាចជាដើមហេតុធ្វើឱ្យអាហារឆាប់ខូច បាត់បង់រសជាតិ និងបង្កជាមេរោគដោយមិនដឹងខ្លួន។
អាហារទាំង ៧ យ៉ាងដែលអ្នកមិនគួរដាក់ក្នុងទូទឹកកករួមមាន៖ អាហារសមុទ្រឆ្អិនទុកយប់ ដែលងាយបង្កបាក់តេរីបំពុលផ្លូវរំលាយអាហារ, ដំឡូងបារាំងនិងដំឡូងជ្វា ដែលធ្វើឱ្យម្សៅប្រែជាផ្អែមខ្លាំង ឆាប់ដុះពន្លក និងបង្កើតជាតិពុល, ផ្លែឈើតំបន់ក្ដៅ ដូចជាចេក ស្វាយ និងទុរេន ដែលធ្វើឱ្យជាំសំបក បាត់រសជាតិ និងឆាប់រលួយ, នំប៉័ង ដែលធ្វើឱ្យសាច់នំប៉័ងឡើងរឹង និងស្ងួតលឿនជាងធម្មតា, ផ្លែឈើអំបូរក្រូច ដែលធ្វើឱ្យសំបកខូច និងអាចមានរសជាតិល្វីង, ទឹកឃ្មុំ ដែលធ្វើឱ្យកកជាគ្រាប់ស្ករ និងពិបាកប្រើប្រាស់ និង គ្រាប់ធញ្ញជាតិស្ងួត ដែលងាយនឹងឡើងផ្អួរ ឬដុះផ្សិតដោយសារសំណើម។
ដើម្បីរក្សារសជាតិ និងគុណភាពអាហារឱ្យបានល្អបំផុត អ្នកគួរទុកដាក់វានៅកន្លែងដែលស្ងួត ត្រជាក់ និងជៀសឆ្ងាយពីពន្លឺព្រះអាទិត្យផ្ទាល់។ ការកែប្រែទម្លាប់តូចតាចក្នុងការទុកដាក់អាហារនេះ មិនត្រឹមតែជួយឱ្យគ្រួសាររបស់អ្នកទទួលបានអាហារដែលមានសុវត្ថិភាព និងរសជាតិឆ្ងាញ់ប៉ុណ្ណោះទេ ប៉ុន្តែថែមទាំងជួយកាត់បន្ថយការខ្ជះខ្ជាយអាហារ និងសន្សំសំចៃថវិកាប្រចាំខែបានយ៉ាងច្រើនសន្ធឹកសន្ធាប់ផងដែរ៕