កុំស្លន់ស្លោ! ជំហានសង្គ្រោះបន្ទាន់ដើម្បីរស់រានពីការស្លាក់អាហារដោយគ្មានអ្នកជួយ

យោងតាមការចុះផ្សាយពីប្រភពបរទេស ការស្លាក់អាហារក្នុងស្ថានភាពនៅម្នាក់ឯងគឺជាគ្រោះថ្នាក់បំផុតដែលទាមទារឱ្យអ្នកមានស្មារតីរឹងមាំ និងចេះបច្ចេកទេសសង្គ្រោះបន្ទាន់ភ្លាមៗក្នុងរយៈពេលត្រឹមតែប៉ុន្មាននាទី។

ប្រសិនបើអ្នកស្លាក់ខ្លាំងរហូតដល់មិនអាចដកដង្ហើមបាន អ្នកត្រូវក្ដាប់ដៃម្ខាងដាក់នៅខាងលើផ្ចិតបន្តិច រួចប្រើដៃម្ខាងទៀតឱបពីលើ ហើយធ្វើការរុញទង្គិចទៅក្នុង និងឡើងលើឱ្យខ្លាំងបំផុតដើម្បីបង្កើតសម្ពាធខ្យល់រុញអាហារឱ្យខ្ទាតចេញមកក្រៅ។

ក្នុងករណីកម្លាំងដៃមិនគ្រប់គ្រាន់ អ្នកអាចប្រើជ្រុងតុ ឬបង្អែកកៅអីមករុញសង្កត់ត្រង់ផ្នែកខាងលើផ្ចិតឱ្យខ្លាំងៗ ឬប្រើវិធីទម្លាក់ទ្រូងទង្គិចនឹងឥដ្ឋដើម្បីជួយបង្កើនសម្ពាធខ្យល់ចេញពីសួត។ ទន្ទឹមនឹងនេះ អ្នកត្រូវចងចាំថាការផឹកទឹកតាម ឬការយកម្រាមដៃលូកក្នុងបំពង់កដោយគ្មានគោលដៅ គឺជាទង្វើដ៏គ្រោះថ្នាក់ដែលអាចធ្វើឱ្យអាហារកាន់តែស្ទះជិតបំពង់ខ្យល់ខ្លាំងជាងមុន។

បន្ទាប់ពីអាហាររបូតចេញមកហើយ ការទៅជួបគ្រូពេទ្យដើម្បីពិនិត្យអាការៈខាងក្នុងរាងកាយឡើងវិញ គឺជាការចាំបាច់បំផុតដើម្បីធានាថាមិនមានការរបួសដោយសារកម្លាំងទង្គិចខ្លាំងក្នុងអំឡុងពេលសង្គ្រោះបន្ទាន់នោះឡើយ៕