យោងតាមការចុះផ្សាយពីប្រភពបរទេស សកម្មភាពផ្លូវភេទមិនត្រឹមតែជួយរឹតចំណងស្នេហាប៉ុណ្ណោះទេ ប៉ុន្តែវាក៏ជាការហាត់ប្រាណដ៏អស្ចារ្យដែលអាចដុតបំផ្លាញថាមពលបានយ៉ាងច្រើនក្នុងរយៈពេលត្រឹមតែ ១៥ នាទី។
តាមការសិក្សារបស់ ZAVA បង្ហាញថា បរិមាណកាឡូរីដែលដុតបំផ្លាញគឺអាស្រ័យទៅលើការជ្រើសរើសក្បាច់ និងការបញ្ចេញកម្លាំងរបស់ភាគីនីមួយៗ។ សម្រាប់បុរស «ក្បាច់ឈរ» គឺជាជើងឯកដែលអាចដុតបំផ្លាញកាឡូរីបានដល់ទៅ ៧៨.៧៥ ព្រោះត្រូវប្រើសាច់ដុំស្ទើរពេញរាងកាយដើម្បីទប់ទម្ងន់ ចំណែកឯស្ត្រីវិញ «ក្បាច់នៅពីលើ ឬជិះសេះលែងដៃ» ក៏ផ្ដល់លទ្ធផលខ្ពស់ដូចគ្នា។ ផ្ទុយទៅវិញ «ក្បាច់ដេកកោបពីក្រោយ» ទោះបីផ្ដល់ភាពកក់ក្ដៅខ្លាំង តែវាដុតបំផ្លាញថាមពលបានតិចជាងគេបំផុត។
ការចាត់ទុកសកម្មភាពទាំងនេះជាផ្នែកមួយនៃការថែទាំសុខភាព នឹងជួយឱ្យការហាត់ប្រាណលែងជារឿងគួរឱ្យធុញទ្រាន់។ ទោះជាយ៉ាងណា ដើម្បីទទួលបានរាងកាយមាំមួន និងសុខភាពល្អឥតខ្ចោះ អ្នកគួររួមបញ្ចូលការហាត់ប្រាណបែបសម្រួលសាច់ដុំផ្សេងៗបន្ថែមទៀតដូចជា យូហ្គា ឬការដើរឱ្យបានទៀងទាត់ ដែលវានឹងជួយបង្កើនសមត្ថភាពរាងកាយផង និងបង្កើនភាពផ្អែមល្ហែមក្នុងជីវិតគូផងដែរ៕