យោងតាមការចុះផ្សាយពីប្រភពបរទេស មីកញ្ចប់មិនមែនជាអាហារដែលត្រូវហាមឃាត់ដាច់ខាតនោះទេ ប៉ុន្តែការញ៉ាំមីសុទ្ធជាប្រចាំអាចបង្កហានិភ័យដល់សុខភាពដោយសារវាសម្បូរទៅដោយជាតិម្សៅ ខ្លាញ់ និងអំបិល តែខ្វះប្រូតេអ៊ីន និងជាតិសរសៃ។
ដើម្បីទទួលបានអាហារូបត្ថម្ភគ្រប់គ្រាន់ អ្នកជំនាញណែនាំឱ្យបន្ថែមសាច់ ស៊ុត ឬគ្រឿងសមុទ្រ និងបន្លែបៃតងឱ្យបានច្រើន ដើម្បីបំប្លែងមីកញ្ចប់ឱ្យទៅជាអាហារដែលមានតុល្យភាពជាតិចិញ្ចឹម។ លើសពីនេះ អ្នកគួរកម្រិតការញ៉ាំត្រឹមតែ ២ ទៅ ៣ ដងក្នុងមួយសប្តាហ៍ និងជៀសវាងការបន្ថែមខ្លាញ់ ឬប៊ឺបន្ថែមទៀត ព្រោះវាមានជាតិខ្លាញ់ច្រើនស្រាប់នៅក្នុងកញ្ចប់។
ការចេះលាយបញ្ជូលគ្រឿងផ្សំស្រស់ៗ និងញ៉ាំក្នុងបរិមាណសមល្មម នឹងជួយឱ្យអ្នកអាចរីករាយជាមួយរសជាតិមីកញ្ចប់ផង និងរក្សាសុខភាពរាងកាយឱ្យនៅមាំមួនផងដែរ៕