សំណួរដ៏រសើបចាក់ដោតស្រ្តីគ្រប់រូប ទាក់ទងនឹងតម្រូវការសម្អាតទ្វារមាស!

តើអ្នកពិតជាត្រូវការសម្អាតទ្វារមាសមែនទេ?

មិនប្រាកដឡើយ ប៉ុន្តែអ្នកត្រូវការសម្អាតបបេរទ្វារមាសវិញ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទ្វារមាសគឺជាសរីរាង្គភេទស្រ្តីដែលស្ថិតនៅក្នុងខ្លួនទេ ចំណែកឯអ្វីដែលឃើញនៅខាងក្រៅគឺជាបបេរទ្វារមាសឬហៅថា Vulva ហើយវាក៏មានសរីរាង្គជាច្រើនក្នុងហ្នឹងទៀតដូចជា៖

• សេរ (Clitoris) 
• ដងសេរ
• បបេរខាងក្នុង និងខាងក្រៅ

ខណៈពេលដែលអ្នកមិនគួរណាលាងសម្អាតខាងក្នុងទ្វារមាសបាន តែវាគឺជារឿងល្អដែលអ្នកត្រូវលាងសម្អាតតំបន់បបេរទ្វារមាសវិញ។ យ៉ាងណាមិញ ក្នុងទ្វារមាសមានមជ្ឈដ្ឋានស្រួលសម្រាប់ខ្លួនឯង គឺវាអាចថែរក្សា និងសម្អាតខ្លួនឯងបានបែបធម្មជាតិហើយ។ ក្រៅពីនេហវាក៏មានបាក់តេរីល្អៗក្នុងការជួយរក្សាកម្រិត pH ក្នុងស្ថានភាពមានសុខភាពដែរ។ ដូច្នេះចូរលះបង់គំនិតសម្អាតក្នុងទ្វារមាសវិញទៅ។ 

តើអ្នកត្រូវលាងសម្អាតបបេរទ្វារមាសដូចម្តេចទៅ?

អ្នកគួរតែសម្អាតបបេរទ្វារមាសជាមួយទឹកក្តៅឧណ្ហៗ។ អ្នកក៏អាចប្រើសាប៊ូមានជាតិកាត់តិចតួចសម្អាតបានដែរព្រោះវាមិនអាចបង្កការរលាកដល់ស្បែកទេ ប៉ុន្តែវាគឺជារឿងមិនចាំបាច់ឡើយ។ អ្វីដែលគួរចាំនោះគឺថា មិនត្រូវប្រើសាប៊ូឬទឹកលាងដល់ក្នុងទ្វារមាសឡើយ។ ក្រៅពីនេះ អ្នកគួរតែលាងសម្អាតដល់រន្ធគូថ និងចន្លោះបបេរទ្វារមាសនិងរន្ធគូថផង។ 

ដូច្នេះអ្នកមិនចាំបាច់ប្រើសាប៊ូតែម្តងមែនទេ?

មិនមែនអ៊ីចឹងទាំងអស់ឡើយ។ អ្នកមិនគួរណាប្រើសាប៊ូដើម្បីលាងសម្អាតបបេរទ្វារមាសឡើយ។ បើសិនជាអ្នកត្រូវការប្រើសាប៊ូ ចូរជ្រើសរើសសាប៊ូណាដែលគ្មានក្លិន គ្មានពណ៌ និងមានជាតិកាត់តិចតួច។ (អាន:ថ្នាំងងុយគេង ពេលអ្នកគួរប្រើ)

ចុះទឹកអនាម័យ ឬស្ព្រាយបាញ់ទ្វារមាសនោះគេផ្សាយឲ្យប្រើធ្វើអី?

ផ្សារទំនើបភាគច្រើនគឺតែងតែមានហើយផលិតផលសម្រាបសម្អាតប្រដាប់ភេទស្រ្តី ដែលគេពពាយនាយថា អាចបន្ថយក្លិន និងសម្អាតទ្វារមាសបាន។ ប៉ុន្តែកុំទាន់ទិញអី ព្រោះវាត្រូវបានគេផលិតផលឡើងសម្រាប់អ្នកដែលមានក្លិនខ្លួនប៉ុណ្ណោះ។ តាមពិតទៅផលិតផលទាំងនេះមិនចាំបាច់ឡើយ ហើយក៏មានគ្រោះថ្នាក់ដែរ ដោយសារតែវាអាចបង្កជាការរលាកដល់បបេរទ្វារមាស និងទ្វារមាស។ 

បើសិនជាមានក្លិន តើមនុស្សគ្រប់គ្នាអាចដឹងក្លិននោះដែរទេ?

ប្រហែលជាមិនអាចដឹងឡើយ។ ទ្វារមាសស្រ្តីអាចមានក្លិននៅខាងក្នុងប៉ុណ្ណោះ ហើយវាគឺមិនមានអ្វីជាបញ្ហាឡើយ។ វាក៏មិនទំនងជាធ្វើឲ្យអ្នកផ្សេងអាចដឹងក្លិនដែឬលុះត្រាតែច្រមុះគេនៅជាប់នឹងទ្វារមាសអ្នកតែម្តង ដូច្នេះមានតែដៃគូររួមភេទប៉ុណ្ណោះប្រហែលដឹង។ ប៉ុន្តែវាគឺជារឿងធម្មតាទេ ដូច្នេះក៏មិនបាច់បារម្ភដែរ។ ក្លិនរបស់ទ្វារមាសតែងតែមាន ហើយក៏មានច្រើនដែរចាប់ពីក្លិនដូចដែកៗ រហូតដល់ផ្អែម ហើយក៏ប្រែប្រួលទោតាមរបបអាហារ និងវដ្តរដូវដែរ។ តែបើសិនជាមានក្លិនស្អុយតែម្តង អ្នកគួរតែទាក់ទងទៅគ្រូពេទ្យហើយព្រោះវាអាចជាសញ្ញានៃការបង្ករោគ។ 

បើមានការហូរទឹករំអិលច្រើន តើវាជារឿងធម្មតាទេ?

ការហូរទឹករំអិលគឺជារឿងធម្មតាសុទ្ធសាធ។ បើសិនជាអ្នកបារម្ភច្រើនអំពីការហូរទឹករំអិលតាមទ្វារមាស ចូរពិនិត្យទៅលើពណ៌របស់វា។ ពណ៌របស់ទឹករំអិលដែលថ្លា និងស គ្រាន់តែជាទឹករំអិលធម្មជាតិដែលទ្វារមាសផលិតដើម្បីរក្សាសំណើមដល់ទ្វារមាស និងផ្តល់សុខភាពប៉ុណ្ណោះ។ ការហូរទឹករំអិលថ្លាៗក៏អាចជាលទ្ធផលនៃការជ្រុះអូវ៉ុលដែរ។ រឿងនេះគ្រាន់តែជាសញ្ញាដែលបញ្ជាក់ថា ជាការអនាម័យក្នុងទ្វារមាសប៉ុណ្ណោះ។ ការហូរទឹករំអិលនេះក៏អាចមានពណ៌ក្រហមលាយត្នោតជុំវិញការមករដូវដែរ ព្រោះវាជាពណ៌ដោយសារឈាមរដូវ។ ប៉ុន្តែអ្នកគួរតែទៅជួបពេទ្យបើសិនជាទឹករំអិលនោះមានពណ៌ប្រផេះ បៃតង ឬលឿង ឬជាប់ទាក់ទងនឹងការរមាស់ ឈឺចាប់ ឬអាការៈផ្សេងៗទៀតដែលខុសធម្មតា៕