មនុស្សគ្រប់គ្នាសុទ្ធតែធ្លាប់មានការភ័យខ្លាចក្នុងពេលវេលាណាមួយក្នុងជីវិត។ វាជាអារម្មណ៍ដែលផ្សំចូលគ្នាដូចជា ការថប់អារម្មណ៍ ភ័យ និងភ្ញាក់ផ្អើលកើតឡើងក្នុងពេលតែមួយ។ ប្រអប់ដៃអាចនឹងបែកញើស បេះដូងដើរញ៉ាប់ ហើយមានអារម្មណ៍ថាដូចមានមេអំបៅហោះពេញពោះអ៊ីចឹង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)រាល់អ្វីៗដែលថ្វើឲ្យពិបាក ឬខ្លាច សុទ្ធតែអាចនាំឲ្យមានអារម្មណ៍ភ័យខ្លាចបានទាំងអស់។ វាអាចធ្វើឲ្យអ្នកយល់ថាជារឿងល្អ និងគិតអវិជ្ជមានបានដូចជា ការណាត់ជួបគូរស្នេហ៍ជាលើកដំបូង ការសម្ភាសន៍ការងារ ឬការចូលរួមក្នុងពិធីបុណ្យសព្វជាដើម។ 

ភាពភ័យខ្លាចរបស់មនុស្សគឺជាប្រតិកម្មធម្មតាចំពោះស្ថានភាពដែលស័ក្តិសម។ ជាមួយនឹងគន្លឹះ និងការអនុវត្តដូចខាងក្រោម វានឹងជួយអ្នកយកឈ្នះអារម្មណ៍ភ័យខ្លាចដែលកើតឡើងខុសរបៀបបាន៖

មិនត្រូវខ្លាចទៀត

ពេលស្ថិតក្នុងស្ថានភាពមិនមានផាសុកភាព ចូររំលឹកខ្លួនឯងថា ភាពភ័យខ្លាចគឺជារឿងធម្មតា ហើយវាក៏អាចមានប្រយោជន៍ដែរ។ មនុស្សយើងភាគច្រើនគឺមានអារម្មណ៍បែបនេះនៅពេលជួបរឿងពិបាកថ្មីៗ និងឱកាសផ្សេងៗ ប៉ុន្តែវាគឺជាការបង្កើនអារម្មណ៍មានភាពរីកចម្រើន និងបទពិសោធន៍ក្នុងជិវិតប៉ុណ្ណោះ។ ដូច្នេះចូររៀនទទួលស្គាល់វាបន្ថែមបន្តិចម្តងៗ។ 

ត្រៀមខ្លួន

អ្នកតែងតែមិនអាចទាយដឹង ឬរៀបគម្រោងមុនថាជីវិតនឹងទៅជាយ៉ាងណាឡើយ។ ប៉ុន្តែមានការងារ និងស្ថានភាពក្នុងសង្គមខ្លះដែលអ្នកអាចត្រៀមខ្លួនឲ្យហើយបានដូចជា៖

  • សមការណែណាំខ្លួនសម្រាប់ការធ្វើបទបង្ហាញ ឬប្រជុំ
  • ឲ្យមនុស្សជាទីស្រឡាញ់ ឬមិត្តរបស់អ្នកម្នាក់ទៅជាមួយគ្នា
  • សុំបន្ថែមម៉ោងសម្រាប់ធ្វើការ ឬការណាត់ជួប ឬព្រឹតិ្តការណ៍ក្នុងសង្គមផ្សេងៗទៀត

គិតន័យវិជ្ជមាន

ការកង្វះទំនុកចិត្ត ឬបារម្ភច្រើន អាចធ្វើឲ្យអ្នកមានភាពភ័យខ្លាចកាន់តែញឹក។ នៅពេលអ្នកចាប់ផ្តើមសង្ស័យទៅលើសមត្ថភាពខ្លួនឯង ចូរស្វែងរកមធ្យោបាយដើម្បីគិត ឬរំលឹកខ្លួនឯងនូវអ្វីដែលផ្តល់ភាពវិជ្ជមានឲ្យបានច្រើនវិញ។ 

និយាយជាមួយនរណាម្នាក់

ចូរទូរស័ព្ទរកម្តាយ មិត្តល្អបំផុតរបស់អ្នក ឬនរណាម្នាក់ទៀតដែលអ្នកជឿជាក់។ ការចែករំលែកអារម្មណ៍របស់អ្នកឲ្យពួកគេយល់ អាចធ្វើឲ្យអ្នកមានផាសុកភាពក្នុងខ្លួនបាន។ វាក៏អាចបន្ថយស្រ្តេស និងធ្វើឲ្យមានអារម្មណ៍កាន់តែវិជ្ជមានថែមទៀត។(អាន:ថ្នាំងងុយគេង ពេលអ្នកគួរប្រើ)

ប្រើវិធីបន្ធូរអារម្មណ៍

ការរៀនពីវិធីបន្ធូរអារម្មណ៍បាន គឺជារឿងសំខាន់សម្រាប់យកឈ្នះភាពភ័យខ្លាច និងគ្រប់គ្រងស្រ្តេសបានយ៉ាងល្អផង។ លំហាត់ប្រាណបែបដកដង្ហើមគ្រាន់តែជាមធ្យោបាយមួយដើម្បីអាចបន្ធូរអារម្មណ៍ប៉ុណ្ណោះ អ្នកអាចប្រើវិធីដកដង្ហើមជ្រៅៗក៏ជួយអារម្មណ៍ភ័យខ្លាចបានដែរ៕