យោងតាមការចុះផ្សាយពីប្រភពបរទេស អាថ៌កំបាំងដែលធ្វើឱ្យនារីជប៉ុនរក្សាបាននូវស្បែកមុខក្មេងខ្ចី និងរាងកាយមាំមួន មិនមែនមានត្រឹមតែការប្រើប្រាស់គ្រឿងសម្អាងនោះទេ ប៉ុន្តែវាស្ថិតនៅលើភេសជ្ជៈដែលពួកគេទទួលទានជារៀងរាល់ថ្ងៃ។ ខាងក្រោមនេះគឺជាភេសជ្ជៈសុខភាព ៥ យ៉ាងដែលជួយពន្យារភាពចាស់ និងបន្សុទ្ធស្បែកពីខាងក្នុង៖
តែបៃតងម៉ាច់ឆា គឺជាកំពូលភេសជ្ជៈដែលសម្បូរសារធាតុ EGCG ដែលជាសារធាតុប្រឆាំងអុកស៊ីតកម្មខ្លាំងជាងវីតាមីន E ច្រើនដង ជួយការពារស្បែកពីកម្ដៅថ្ងៃ និងកាត់បន្ថយស្នាមជ្រីវជ្រួញបានយ៉ាងអស្ចារ្យ។ បន្ទាប់មកគឺ អាម៉ាសាគេ ឬស្រាអង្ករផ្អែមដែលគ្មានជាតិអាល់កុល ដែលត្រូវបានគេប្រសិទ្ធនាមថាជា “សេរ៉ូមសម្រាប់ផឹក” ព្រោះវាសម្បូរវីតាមីន B និងអាស៊ីតអាមីណូ ជួយឱ្យស្បែកភ្លឺថ្លា និងមានសំណើមជានិច្ច។
សម្រាប់អ្នកដែលមិនចង់ញ៉ាំជាតិកាហ្វេអ៊ីន តែស្រូវបាឡេ គឺជាជម្រើសដ៏ល្អបំផុត ព្រោះវាជួយជំរុញរចនាសម្ព័ន្ធឈាមឱ្យរត់បានស្រួល ធ្វើឱ្យស្បែកមានឈាមច្រាលផ្កាឈូក និងជួយឱ្យរាងកាយត្រជាក់ស្រឡះ។ ជាមួយគ្នានេះដែរ ទឹកខ្មេះផ្លែឈើបំប៉ន ក៏កំពុងពេញនិយមខ្លាំង ព្រោះវាជួយដុតរំលាយជាតិខ្លាញ់ កាត់បន្ថយជាតិស្ករក្នុងឈាម និងការពារកុំឱ្យជាតិស្ករទៅបំផ្លាញកូឡាជែនក្នុងស្បែក។
ជាចុងក្រោយគឺ តែគ្រាប់ធញ្ញជាតិសូបា ដែលសម្បូរសារធាតុ Rutin ជួយឱ្យសរសៃឈាមរឹងមាំ និងកាត់បន្ថយអាការហើមទឹកតាមរាងកាយ។ ការផ្លាស់ប្តូរពីការញ៉ាំភេសជ្ជៈផ្អែមៗ មកទទួលទានភេសជ្ជៈបែបជប៉ុនទាំងនេះជាប្រចាំ គឺជាវិធីសាស្ត្រដ៏វៃឆ្លាតបំផុតក្នុងការថែរក្សាសម្រស់ឱ្យនៅស្រស់ស្អាតជានិរន្តរ៍ ដោយមិនចាំបាច់ប្រើកម្មវិធីកែរូបភាពឡើយ៕