យោងតាមការចុះផ្សាយពីប្រភពបរទេស ផ្លែបឺរគឺជាកំពូលផ្លែឈើដែលសម្បូរទៅដោយខ្លាញ់ល្អ និងជាតិសរសៃខ្ពស់ ប៉ុន្តែការជ្រើសរើសពេលវេលាញ៉ាំឱ្យបានត្រឹមត្រូវនឹងជួយឱ្យអ្នកទទួលបានលទ្ធផលកាន់តែប្រសើរស្របតាមគោលដៅសុខភាព។ ទោះបីជាអ្នកអាចញ៉ាំវាបានពេញមួយថ្ងៃក៏ដោយ ប៉ុន្តែឥទ្ធិពលដែលទទួលបានគឺខុសគ្នាទៅតាមពេលវេលានីមួយៗ។
ប្រសិនបើគោលដៅរបស់អ្នកគឺ “សម្រកទម្ងន់” ពេលវេលាដែលល្អបំផុតគឺការញ៉ាំនៅពេលព្រឹក ឬញ៉ាំជាអាហារសម្រន់មុនពេលបាយថ្ងៃត្រង់។ ជាតិសរសៃ និងខ្លាញ់ល្អក្នុងផ្លែបឺរជួយឱ្យអ្នកមានអារម្មណ៍ថាឆ្អែតបានយូរ កាត់បន្ថយការឃ្លានអាហារផ្ដេសផ្ដាស និងជួយឱ្យប្រព័ន្ធដុតរំលាយថាមពលដំណើរការបានយ៉ាងល្អ។ សម្រាប់អ្នកដែលចង់ថែរក្សាសុខភាពទូទៅ អ្នកអាចញ៉ាំវានៅពេលណាក៏បាន ប៉ុន្តែអ្នកជំនាញមិនណែនាំឱ្យញ៉ាំនៅពេលល្ងាចឡើយ ព្រោះផ្លែបឺរមានកាឡូរីខ្ពស់ ដែលអាចធ្វើឱ្យរាងកាយប្រើប្រាស់ថាមពលមិនអស់ និងងាយនឹងឡើងទម្ងន់។
ចំណុចដែលត្រូវប្រុងប្រយ័ត្នបំផុតនោះគឺ មិនត្រូវញ៉ាំផ្លែបឺរដែលនៅខ្ចី ឬមិនទាន់ទុំល្អឡើយ ព្រោះវាអាចបណ្ដាលឱ្យអ្នករាករូស ឬឈឺពោះ។ អ្នកគួរជ្រើសរើសផ្លែដែលទុំល្មម ដែលមានសាច់ទន់ និងរសជាតិឆ្ងាញ់។ ម្យ៉ាងវិញទៀត ផ្លែបឺរមួយផ្លែមានកាឡូរីប្រហែល ២០០ កាឡូរី ដូច្នេះអ្នកគួរញ៉ាំក្នុងបរិមាណសមល្មម មិនត្រូវញ៉ាំច្រើនជ្រុលក្នុងមួយថ្ងៃនោះទេ។
ជារួមមក ការញ៉ាំផ្លែបឺរឱ្យត្រូវតាមគោលដៅ គឺញ៉ាំពេលព្រឹកសម្រាប់អ្នកចង់ស្រកគីឡូ និងញ៉ាំពេលណាក៏បាន (លើកលែងពេលល្ងាច) សម្រាប់អ្នកចង់បានសុខភាពមាំមួន។ ការជ្រើសរើសផ្លែឈើដែលទុំល្អ និងការគ្រប់គ្រងបរិមាណញ៉ាំឱ្យបានត្រឹមត្រូវ គឺជាគន្លឹះដ៏សំខាន់ដែលជួយឱ្យអ្នកមានរាងស្អាត និងសុខភាពល្អជានិរន្តរ៍៕