​លាហើយបញ្ហា”សើមក្លៀកនិងក្លិនខ្លួន”! តិចនិកមាស ១០ យ៉ាងជួយឱ្យក្លៀកស្ងួតស្រឡះ និងបង្កើនទំនុកចិត្តពេញមួយថ្ងៃ

យោងតាមការចុះផ្សាយពីប្រភពបរទេស បញ្ហាញើសចេញតាមក្លៀកច្រើនខុសធម្មតា មិនត្រឹមតែធ្វើឱ្យអាវសើមដក់ជាស្នាមគួរឱ្យខ្មាសគេប៉ុណ្ណោះទេ ប៉ុន្តែវាក៏ជាដើមហេតុចម្បងនៃក្លិនខ្លួនមិនល្អ ដែលធ្វើឱ្យយើងបាត់បង់ភាពជឿជាក់ក្នុងដង្ហើមរស់នៅប្រចាំថ្ងៃ។ ខាងក្រោមនេះគឺជាដំណោះស្រាយបែបងាយៗ រហូតដល់បច្ចេកវិទ្យាទំនើប ដើម្បីដោះស្រាយបញ្ហានេះ៖

ដើម្បីកាត់បន្ថយការកកស្ទះញើស និងបាក់តេរី អ្នកគួរ រក្សាអនាម័យរាងកាយ ដោយងូតទឹកយ៉ាងតិច ២ ដងក្នុងមួយថ្ងៃ និងប្រើ ក្រដាសសើម សម្រាប់ជូតសម្អាតក្លៀកនៅចន្លោះពេលថ្ងៃ។ ការជ្រើសរើស សម្លៀកបំពាក់រលុងៗ និងមានសាច់ក្រណាត់ខ្យល់ចេញចូលបានល្អ ក៏ជាកត្តាសំខាន់ដើម្បីកុំឱ្យតំបន់ក្លៀកផ្អាប់ជោកដោយញើស។ បន្ថែមពីនេះ ការប្រើ រ៉ូលអនប្រភេទ Antiperspirant ដែលមានជាតិអាលុយមីញ៉ូមក្លរ៉ៃដ៍​នឹងជួយបង្រួមរន្ធញើស និងទប់ស្កាត់មិនឱ្យញើសហូរចេញមកច្រើន។

ក្រៅពីវិធីខាងលើ អ្នកក៏អាចសាកល្បងប្រើ បន្ទះបិទបឺតស្រូបញើស ក្បែររង្វង់ក្លៀកអាវ ឬប្រើរូបមន្តធម្មជាតិដូចជា សំបកក្រូចឆ្មារ មកដុសខាត់ត្រង់ក្លៀកដើម្បីកាត់បន្ថយក្លិន។ សម្រាប់អ្នកដែលចង់បានប្រសិទ្ធភាពខ្ពស់ និងឆាប់រហ័ស ការ ចាក់បូថុក​ នៅតំបន់ក្លៀក គឺជាជម្រើសដ៏ពេញនិយមដែលខ្យល់អាចជួយកាត់បន្ថយញើសបានពី ៣ ទៅ ៦ ខែ។ រីឯវិធីចុងក្រោយបង្អស់គឺ ការវះកាត់ ដែលអាចជួយកាត់បន្ថយញើសបានយូរអង្វែង ប៉ុន្តែវាអាចនឹងធ្វើឱ្យញើសទៅចេញនៅតំបន់ផ្សេងជំនួសវិញ ដូចជាបាតដៃ ឬបាតជើងជាដើម។

ការជ្រើសរើសវិធីសាស្ត្រដែលស័ក្តិសមនឹងរាងកាយរបស់អ្នក នឹងជួយឱ្យអ្នកមានអារម្មណ៍ស្រស់ស្រាយ មិនបារម្ភរឿងក្លៀកសើម និងអាចបង្ហាញភាពជឿជាក់បានគ្រប់កាលៈទេសៈ៕