យោងតាមការចុះផ្សាយពីប្រភពប្រទេស ការបន្ទោបង់គឺជាដំណើរការធម្មជាតិដ៏សំខាន់បំផុតដើម្បីបញ្ចេញកាកសំណល់ និងជាតិពុលចេញពីរាងកាយ។ ប្រសិនបើអ្នកអត់បត់ជើងធំច្រើនថ្ងៃ ឬមានបញ្ហាទល់លាមករ៉ាំរ៉ៃ រាងកាយនឹងចាប់ផ្ដើមផ្ដល់សញ្ញាព្រមានយ៉ាងច្បាស់លាស់ ដែលបញ្ជាក់ថាប្រព័ន្ធរំលាយអាហាររបស់អ្នកកំពុងជួបបញ្ហាធ្ងន់ធ្ងរ។
សញ្ញាដំបូងដែលងាយសម្គាល់បំផុតគឺ ការហើមពោះ និងភើមានក្លិនស្អុយខ្លាំង ដោយសារលាមកដែលកកស្ទះយូរក្នុងពោះវៀនត្រូវបានបាក់តេរីបំបែកបង្កជាហ្គាសពុល។ បន្ទាប់មក អ្នកនឹងមានអារម្មណ៍ អស់កម្លាំង ល្វើយ និងខ្វះថាមពល ព្រោះរាងកាយត្រូវប្រឹងប្រែងបឺតស្រួបទឹកពីលាមកដែលរឹង និងជាតិពុលត្រឡប់ទៅក្នុងឈាមវិញ ដែលនាំឱ្យប៉ះពាល់ដល់ប្រព័ន្ធប្រសាទ បង្កជាអាការៈ ឈឺក្បាលរ៉ាំរ៉ៃ ដោយគ្មានមូលហេតុ។ ក្រៅពីផលប៉ះពាល់ខាងក្នុង វាក៏ឆ្លុះបញ្ចាំងមកខាងក្រៅតាមរយៈ បញ្ហាស្បែក ដូចជាការឡើងមុននៅជុំវិញមាត់ និងចង្កា ស្បែកស្រអាប់ និងស្ងួត។ សញ្ញាចុងក្រោយដែលធ្វើឱ្យបាត់បង់ទំនុកចិត្តបំផុតគឺ ក្លិនមាត់ និងក្លិនខ្លួនខុសប្រក្រតី ដែលកើតចេញពីការភើបញ្ច្រាសក្លិនស្អុយពីក្រពះពោះវៀន និងការបញ្ចេញជាតិពុលតាមរន្ធញើស។
ដើម្បីដោះស្រាយបញ្ហានេះ អ្នកគួរតែងាកមកអនុវត្តទម្លាប់ល្អៗភ្លាមៗដូចជា ញ៉ាំទឹកឱ្យបាន ៨-១០ កែវក្នុងមួយថ្ងៃ បន្ថែមអាហារដែលមានជាតិកាកសរសៃខ្ពស់ (បន្លែ ផ្លែឈើ គ្រាប់ធញ្ញជាតិ) និងធ្វើលំហាត់ប្រាណស្រាលៗដើម្បីជំរុញចលនាពោះវៀន។ ការហ្វឹកហាត់បន្ទោបង់ឱ្យបានទៀងទាត់ជារៀងរាល់ព្រឹក ក៏ជាគន្លឹះដ៏សំខាន់សម្រាប់សុខភាពពោះវៀនផងដែរ។ កុំបណ្ដោយឱ្យកាកសំណល់សេសសល់ក្នុងខ្លួនក្លាយជាថ្នាំពុលបំផ្លាញសុខភាព បើបញ្ហានៅតែមិនធូរស្រាលក្នុងរយៈពេល ២-៣ ថ្ងៃ អ្នកគួរតែប្រឹក្សាជាមួយគ្រូពេទ្យជំនាញជាបន្ទាន់៕