ការចាប់ផ្តើមថ្ងៃថ្មីជាមួយរបបអាហារដែលត្រឹមត្រូវ គឺជាគន្លឹះដ៏សំខាន់បំផុតក្នុងការដុតបំផ្លាញជាតិខ្លាញ់ ជាពិសេសខ្លាញ់ត្រង់បរិវេណក្បាលពោះដែលពិបាកស្រក ។ ប្រសិនបើអ្នកចង់បានរាងកាយមាំមួន និងក្បាលពោះរាបស្មើ ការជ្រើសរើសអាហារពេលព្រឹកដែលមានជាតិសរសៃ (Fiber) និងប្រូតេអ៊ីនខ្ពស់ គឺជាជម្រើសដ៏ឆ្លាតវៃ ។
ខាងក្រោមនេះ គឺជាអាហារពេលព្រឹកមាស ៣យ៉ាង ដែលជួយជំរុញការស្រកក្បាលពោះយ៉ាងមានប្រសិទ្ធភាព ៖
១. ពងទា ឬពងមាន់ស្ងោរ
ពងមាន់ គឺជាប្រភពប្រូតេអ៊ីនដ៏អស្ចារ្យ និងមានតម្លៃសមរម្យ។
-ហេតុអ្វីបានជាវាល្អ? ការញ៉ាំប្រូតេអ៊ីននៅពេលព្រឹក ជួយឱ្យអ្នកមានអារម្មណ៍ឆ្អែតបានយូរ កាត់បន្ថយការចង់ញ៉ាំអាហារផ្អែមៗ ឬអាហារសម្រន់នៅចន្លោះពេលបាយ។
-អត្ថប្រយោជន៍៖ វាជួយបង្កើនល្បឿននៃការដុតរំលាយអាហារ (Metabolism) និងជួយរក្សាម៉ាសសាច់ដុំ ខណៈពេលដែលរាងកាយកំពុងដុតបំផ្លាញជាតិខ្លាញ់។
២. គ្រាប់ធញ្ញជាតិ អូត (Oatmeal)
អូត គឺជាអាហារដែលសម្បូរទៅដោយជាតិសរសៃរលាយ (Soluble Fiber) ដែលមានឈ្មោះថា Beta-glucan។
-ហេតុអ្វីបានជាវាល្អ? ជាតិសរសៃនៅក្នុងអូត ជួយកាត់បន្ថយការស្រូបយកជាតិខ្លាញ់អាក្រក់ និងជួយឱ្យប្រព័ន្ធរំលាយអាហារដំណើរការបានល្អ ការពារការហើមពោះ។
– គួរញ៉ាំអូតជាមួយផ្លែឈើស្រស់ដូចជា ប៊្លូបឺរី ឬចេក និងជៀសវាងការដាក់ស្ករសច្រើនពេក ។
៣. ទឹកដោះគោជូរធម្មជាតិ ជាមួយគ្រាប់ជី (Greek Yogurt with Chia Seeds)
ការរួមបញ្ចូលគ្នារវាងទឹកដោះគោជូរ និងគ្រាប់ជី គឺជាឱសថដុតខ្លាញ់ក្បាលពោះដ៏ស័ក្តិសិទ្ធិ ។
-ហេតុអ្វីបានជាវាល្អ? ទឹកដោះគោជូរ (Greek Yogurt) សម្បូរទៅដោយ Probiotics ដែលជួយដល់សុខភាពពោះវៀន កាត់បន្ថយការរលាក និងការកកកុញជាតិខ្លាញ់ក្បាលពោះ។ ចំណែកគ្រាប់ជី (Chia Seeds) ជួយស្រូបទឹកក្នុងក្រពះ ធ្វើឱ្យអ្នកឆ្អែតបានយូរ។
-អត្ថប្រយោជន៍ ៖ វាផ្ដល់នូវជាតិកាល់ស្យូម និងអូមេហ្គា-៣ ដែលល្អបំផុតសម្រាប់បេះដូង និងការសម្រកទម្ងន់។
តិចនិកបន្ថែមដើម្បីឱ្យឆាប់ឃើញលទ្ធផល ៖
-ផឹកទឹកក្តៅឧណ្ហៗលាយក្រូចឆ្មារ៖ ១ កែវមុនពេលញ៉ាំអាហារព្រឹក ដើម្បីលាងជម្រះជាតិពុលក្នុងពោះវៀន។
-ជៀសវាងអាហារកែច្នៃ ៖ កាត់បន្ថយនំបុ័ងស សាច់ក្រក ឬភេសជ្ជៈផ្អែមៗនៅពេលព្រឹក។
-ទំពារឱ្យបានម៉ត់៖ ការទំពារយឺតៗ ជួយឱ្យខួរក្បាលទទួលសញ្ញាថាឆ្អែតបានលឿន ការពារការញ៉ាំលើសចំណុះ។