បន្លែ ៣ មុខសង្គ្រោះថ្លើម! ចំណេះដឹងសុខភាពដែលអ្នកមិនគួរមើលរំលង ដើម្បីជៀសផុតពីជំងឺថ្លើមរ៉ាំរ៉ៃ

យោងតាមការចុះផ្សាយពីប្រភពបរទេស ថ្លើមគឺជាសរីរាង្គដ៏សំខាន់បំផុតមួយដែលបំពេញមុខងារជាង ៥០០ យ៉ាងក្នុងរាងកាយ រាប់តាំងពីការរំលាយអាហារ រហូតដល់ការចម្រោះជាតិពុលក្នុងឈាម។ ដើម្បីថែរក្សាថ្លើមឱ្យមានសុខភាពល្អ និងបង្ការជំងឺថ្លើមដែលកំពុងកើនឡើងជាសកល វេជ្ជបណ្ឌិត ​ដែលជាអ្នកជំនាញផ្នែកក្រពះពោះវៀន បានចែករំលែកនូវបន្លែពិសេស ៣ មុខដែលលោកនិយមបញ្ចូលក្នុងរបបអាហារប្រចាំថ្ងៃ។

បន្លែដំបូងគេគឺ ផ្កាខាត់ណាខៀវ ​ ដែលសម្បូរទៅដោយសារធាតុ Sulforaphanes ជួយដល់ដំណើរការបញ្ចេញជាតិពុលពីថ្លើម និងកាត់បន្ថយការប្រមូលផ្ដុំជាតិខ្លាញ់ក្នុងថ្លើមយ៉ាងមានប្រសិទ្ធភាព។ ប្រសិនបើអ្នកមិនសូវចូលចិត្តផ្កាខាត់ណាខៀវ អ្នកអាចជ្រើសរើសស្ពៃក្ដោប ឬស្ពៃពួយឡេងជំនួសវិញបាន ព្រោះវាផ្ដល់អត្ថប្រយោជន៍ស្រដៀងគ្នា។

បន្លែទីពីរគឺ មើមឆៃថាវក្រហម​ ដែលមានផ្ទុកសារធាតុ Betalains ជួយកាត់បន្ថយការរលាក និងជំរុញការព្យាបាលកោសិកាថ្លើមដែលរងការខូចខាត។ ការសិក្សាបានបង្ហាញថា មើមឆៃថាវក្រហមជួយបន្ទាបកម្រិតអង់ស៊ីមថ្លើមដែលឡើងខ្ពស់ និងសម្បូរទៅដោយជាតិ Folate ដែលជួយដល់ដំណើរការមេតាបូលីសក្នុងថ្លើមឱ្យកាន់តែប្រសើរ។ ចំណែកបន្លែទីបីគឺ ផ្កាអាទីសូ ​ ដែលត្រូវបានចាត់ទុកថាជា “កំពូលអាហារសម្រាប់ថ្លើម” ដោយសារវាសម្បូរទៅដោយសារធាតុប្រឆាំងអុកស៊ីតកម្មខ្លាំងៗជាច្រើនប្រភេទ។ សារធាតុទាំងនេះមិនត្រឹមតែការពារកោសិកាថ្លើមពីការបំផ្លាញប៉ុណ្ណោះទេ ប៉ុន្តែថែមទាំងជួយជួសជុលកោសិកាឡើងវិញ និងបង្កើនការផលិតទឹកប្រមាត់ដើម្បីជួយរំលាយជាតិខ្លាញ់ និងបញ្ចេញជាតិពុលចេញពីរាងកាយបានយ៉ាងរហ័ស។ ការជ្រើសរើសញ៉ាំបន្លែទាំងនេះជាប្រចាំ គឺជាវិធីសាស្ត្រដ៏សាមញ្ញតែមានប្រសិទ្ធភាពខ្ពស់ក្នុងការការពារថ្លើមរបស់អ្នកឱ្យរឹងមាំ និងមានអាយុកាលវែង​៕