យោងតាមការផ្សាយពីប្រភពបរទេស មង្ឃុតមិនត្រឹមតែជា “ស្ដេចផ្លែឈើ” ដែលមានរសជាតិផ្អែមត្រជាក់ឆ្ងាញ់ពិសាប៉ុណ្ណោះទេ ប៉ុន្តែវាក៏ជា “រាជិនីសម្រស់” ដ៏ល្អប្រសើរសម្រាប់សុភាពនារីដែលប្រាថ្នាចង់បានស្បែកមុខម៉ដ្ឋខៃ និងក្មេងជាងវ័យបែបធម្មជាតិ។
អាថ៌កំបាំងដ៏អស្ចារ្យរបស់មង្ឃុតស្ថិតនៅលើសារធាតុ Xanthone ដែលជាសារធាតុប្រឆាំងអុកស៊ីតកម្មដ៏ខ្លាំងក្លា មានសមត្ថភាពខ្ពស់ក្នុងការកម្ចាត់បាក់តេរីបង្កបញ្ហាមុខមុន និងជួយកាត់បន្ថយការរលាកស្បែកបានយ៉ាងឆាប់រហ័ស។
ការទទួលទានសាច់មង្ឃុតស្រស់ៗជួយផ្ដល់វីតាមីន និងជាតិទឹកដល់កោសិកាស្បែកឱ្យមានសំណើម ចេញពីខាងក្នុង ខណៈដែលចំរាញ់ចេញពីសំបកមង្ឃុតត្រូវបានគេយកមកធ្វើជាម៉ាសបិទមុខ ដើម្បីបង្រួមរន្ធញើស និងកម្ចាត់ស្នាមអុជខ្មៅឱ្យប្រែជាសខ្ចី។ ជាពិសេស មង្ឃុតជួយទប់ស្កាត់ការកកើតរ៉ាឌីកាល់សេរី ដែលជាមូលហេតុចម្បងនៃភាពជ្រីវជ្រួញ ធ្វើឱ្យស្បែកមុខរបស់អ្នកនៅតែរក្សាបាននូវភាពតឹងណែន និងស្រស់ថ្លាជានិច្ច។
ការជ្រើសរើសមង្ឃុតជាជំនួយការសម្រស់ គឺជាវិធីសាស្ត្រដ៏ឆ្លាតវៃដែលចំណាយតិច គ្មានសារធាតុគីមីប៉ះពាល់ដល់សុខភាព និងផ្ដល់នូវលទ្ធផលគួរឱ្យចង់គយគន់បំផុត៕