តម្រងនោមមនុស្សយើងមានទំហំប៉ុនក្តាប់ដៃ និងមានទីតាំងស្ថិតនៅផ្នែកខាងក្រោមរបស់ឆ្អឹងជំនី ទាំងសងខាងឆ្អឹងខ្នង។ វាមាននាទីច្រើនណាស់ក្នុងខ្លួន ប៉ុន្តែអ្វីដែលសំខនា់នោះគឺវាជាអ្នកច្រោះកាកសំណល់ ជាតិពុល ទឹកដែលលើស និងសម្អាតឈាមឲ្យស្អាតល្អវិញ។ កាកសំណល់នឹងត្រូវរក្សាទុកក្នុងប្លោកនោម និងបញ្ចេញចោលតាមទឹកនោម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ក្រៅពីនេះ តម្រងនោមក៏ជាអ្នកសម្រួលដល់កម្រិត pH ជាតិប្រៃ និងប៉ូតាស្យូមក្នុងរាងកាយដែរ។ វាក៏ជួយផលិតអ័រម៉ូនជាច្រើនដែលសម្រួលដល់សម្ពាធឈាម និងគ្រប់គ្រងការផលិតរបស់កោសិកាគ្រាប់ឈាមក្រហមថែមទៀត។
ការថែរក្សាតម្រងនោមឲ្យមានសុខភាពល្អគឺជារឿងសំខាន់សម្រាប់សុខភាពទាំងមូល។ កាលណាតម្រងនោមមានសុខភាពល្អ រាងកាយនឹងច្រោះជាតិពុល និងកាកសំណល់ចេញពីក្នុងខ្លួនកាន់តែល្អ។ ខាងក្រោមនេះ ខ្ញុំសូមបង្ហាញអំពីគន្លឹះខ្លះៗដែលជួយឲ្យតម្រងនោមកាន់តែមានសុខភាពល្អបាន៖
រក្សាភាពសកម្ម និងភាពសមសួនរបស់រាងកាយ
ការហាត់ប្រាណទៀងទាត់គឺជាវិធីដ៏ល្អមួយក្នុងការជួយឲ្យរាងកាយមានភាពសមសួន ហើយក៏បន្ថយការប្រឈមនឹងជំងឺតម្រងនោមរ៉ាំរ៉ៃដែរ។ ការហាត់ប្រាណដ៏សកម្ម មិនបាច់ធ្វើអ្វីច្រើនឡើយ តែគ្រាន់ដើរ រត់ធម្មតា ជិះគង់ និងរាំគឺគ្រប់គ្រាន់ហើយ។
គ្រប់គ្រងជាតិស្ករក្នុងឈាម
អ្នកជំងឺទឹកនោមផ្អែម ប្រហែលជាមានបញ្ហាខូចតម្រងនោម។ នៅពេលកោសិកាមិនអាច្រើប្រាស់ជាតិស្ករក្នុងឈាមបាន តម្រងនោមក៏ត្រូវបានបង្ខំចិត្តដើម្បីធ្វើការបន្ថែមក្នុងការច្រោះឈាម។ រយៈពេលច្រើនឆ្នាំក្រោយ វានឹងអាចប៉ះពាល់ដល់អាយុជីវិតបាន។ ដូច្នេះកាលណាអ្នកគ្រប់គ្រងជាតិស្ករក្នុងឈាមបានកាន់តែល្អ កាន់តែបន្ថយការខូចខាតតម្រងនោម។
តាមដានសម្ពាធឈាម
សម្ពាធឈាមឡើងខ្ពស់ធ្វើឲ្យខូចតម្រងនោមដែរ។ បើសិនជាការលើសសម្ពាធឈាម កើតឡើងជាមួយនឹងបញ្ហាសុខភាពផ្សេងៗទៀតដូចជា ជំងឺទឹកនោមផ្អែម ជំងឺបេះដូង ឬលើសកូឡេស្តេរ៉ុល វានឹងប៉ះពាល់យ៉ាងខ្លាំងដល់រាងកាយយើង។ អ្នកគួរតែពិគ្រោះជាមួយគ្រូពេទ្យអំពីការតាមដានសម្ពាធឈាមជាទៀងទាត់ ផ្លាស់ប្តូររបៀបរស់នៅ និងប្រើប្រាស់ថ្នាំ។
តាមដានទម្ងន់ និងញ៉ាំអាហារផ្តល់សុខភាព
អ្នកដែលធាត់ ឬធាត់ជ្រុល មានការប្រឈមខ្ពស់នឹងបញ្ហាសុខភាពមួយចំនួនដែលអាចបំផ្លាញតម្រងនោមបាន។ រឿងនេះរួមមាន ជំងឺទឹកនោមផ្អែម ជំងឺបេះដូង និងតម្រងនោម។ របបអាហារផ្តល់សុខភាពទាល់តែមានជាតិប្រៃតិច សាច់កៃឆ្នៃតិច និងអាហារបំផ្លាញតម្រងនោមតិច។ (អាន:ថ្នាំងងុយគេង ពេលអ្នកគួរប្រើ)ចូរផ្តោតសំខាន់ទៅលើការញ៉ាំគ្រឿងផ្សំស្រស់ៗដែលមានជាតិប្រៃពីធម្មជាតិទាបដូចជា ផ្កាខាត់ណា ត្រី គ្រាប់ធញ្ជាតិជាដើម។
ញ៉ាំទឹកច្រើន
ការញ៉ាំទឹកបាន ៨កែវក្នុងមួយថ្ងៃ គឺជាគោលដៅដ៏ល្អមួយសម្រាប់សុខភាព ព្រោះវានឹងជួយជំរុញដល់ការបង្គ្រប់ជាតិទឹកក្នុងខ្លួន។ ការញ៉ាំទឹកទៀងទាត់ ក៏ជួយដល់សុខភាពតម្រងនោមដែរ។
កុំជក់បារី
ការជក់បារីនឹងទៅបំផ្លាញសរសៃឈាមរាងកាយ។ រឿងនេះនឹងបន្ថយលំហូរឈាមទៅគ្រប់កន្លែង និងមានតម្រងនោមដែរ។
យល់ដឹងអំពីថ្នាំដែលគ្មានវេជ្ជបញ្ជាដែលអ្នកប្រើផង
បើសិនជាអ្នកត្រូវការលេបថ្នាំគ្មានវេជ្ជបញ្ជាជាទៀងទាត់ ជាពិសេសថ្នាំបំបាត់ការឈឺចាប់ អ្នកប្រហែលជាធ្វើឲ្យខូចតម្រងនោមបាន។ ថ្នាំប្រភេទ Nonsteroidal Anti-inflammatory Drugs (NSAIDs) ដូចជា Ibuprofen និង Naproxen អាចបំផ្លាញតម្រងនោមបានបើសិនជាអ្នកលេបវាជាទៀងទាត់ដើម្បីបំបាត់ការឈឺចាប់រ៉ាំរ៉ៃ។
ធ្វើតេស្តមុខងារតម្រងនោមបើសិនជាអ្នកមានការប្រឈមមុខខ្ពស់
បើសិនជាអ្នកប្រឈមខ្ពស់នឹងការខូចតម្រងនោម ឬជំងឺតម្រងនោមយកល្អគួរតែធ្វើតេស្តមុខងារតម្រងនោមជាទៀងទាត់។ ខាងក្រោមនេះគឺជាអ្នកដែលគួរធ្វើតេស្តជាទៀងទាត់៖
- អាយុចាប់ពី ៦០ឆ្នាំឡើងទៅ
- កើតមកមិនគ្រប់ទម្ងន់
- មានជំងឺបេះដូអសរសៃឈាម ឬគ្រួសារធ្លាប់មានជំងឺនេះ
- មាន ឬគ្រួសារធ្លាប់មានជំងឺលើសសម្ពាធឈាម
- ជាមនុស្សធាត់ជ្រុល
- ជឿថាមានការខូចខាតតម្រងនោម។
ការធ្វើតេស្តមុខងារតម្រងនោមទៀងទាត់គឺជាមធ្យោបាយដ៏អស្ចារ្យមួយដើម្បីដឹងអំពីសុខភាពតម្រងនោម និងពិនិត្យរកមើលការប្រែប្រួលនានាផង៕