យោងតាមការចុះផ្សាយពីប្រភពរទេស ការប្រញាប់យកខ្ទះដែលកំពុងតែក្ដៅខ្លាំងទៅដាក់លាងទឹកត្រជាក់ភ្លាមៗ គឺជាទម្លាប់ដែលផ្ដល់ផលវិបាកអាក្រក់លើសពីការស្មានចំពោះសម្ភារផ្ទះបាយរបស់អ្នក។
នៅពេលលោហៈធាតុដែលមានសីតុណ្ហភាពខ្ពស់ ប៉ះជាមួយទឹកត្រជាក់ភ្លាមៗ វានឹងបង្កឱ្យមានប្រតិកម្មប្រែប្រួលសីតុណ្ហភាពឆាប់រហ័សដែលបណ្ដាលឱ្យសាច់លោហៈរួញខ្លួនភ្លាមៗ រហូតធ្វើឱ្យខ្ទះវៀច ខូចទ្រង់ទ្រាយ ឬអាចប្រេះបែកតែម្ដង ជាពិសេសចំពោះខ្ទះដែលធ្វើពីដែកសិត ឬមានស្រទាប់ការពារការស្អិត។
ក្រៅពីការខូចខាតរចនាសម្ព័ន្ធលោហៈ ការលាងសម្អាតខុសបច្ចេកទេសបែបនេះ ក៏បំផ្លាញស្រទាប់ការពារដែលជួយឱ្យខ្ទះមិនជាប់ស្អិត នាំឱ្យខ្ទះងាយនឹងឡើងច្រែះ និងបាត់បង់គុណភាពយ៉ាងឆាប់រហ័ស។ លើសពីនេះ ផ្សែងពណ៌សដែលភាយចេញមកភ្លាមៗនៅពេលប៉ះទឹក គឺជាចំហាយខ្លាញ់ និងសារធាតុដែលមិនល្អចំពោះប្រព័ន្ធផ្លូវដង្ហើមឡើយ ប្រសិនបើអ្នកដកដង្ហើមស្រូបចូលជាប្រចាំក្នុងផ្ទះបាយដែលគ្មានខ្យល់ចេញចូលល្អ។
ដើម្បីថែរក្សាខ្ទះឱ្យនៅថ្មី ធន់ និងប្រើប្រាស់បានរាប់សិបឆ្នាំ អ្នកគួរទុកឱ្យខ្ទះត្រជាក់ខ្លួនបន្តិចសិន សឹមយកទៅលាងសម្អាត ឬប្រើប្រាស់ទឹកក្ដៅឧណ្ហៗជំនួសវិញប្រសិនបើអ្នកត្រូវការប្រញាប់។ ជាចុងក្រោយ ក្រោយពេលលាងរួច ត្រូវជូតខ្ទះឱ្យស្ងួតភ្លាមៗ ឬដាក់កម្ដៅលើភ្លើងតិចៗដើម្បីជម្រុះសំណើមឱ្យអស់ មុននឹងទុកដាក់ចូលក្នុងទូឱ្យមានរបៀបរៀបរយ ដែលវិធីនេះនឹងជួយរក្សាគុណភាពខ្ទះឱ្យនៅល្អដូចទើបទិញថ្មីជានិច្ច៕