យោងតាមការចុះផ្សាយពីប្រភពបរទេស ការកាត់បន្ថយភេសជ្ជៈផ្អែមគឺជាគន្លឹះមាសសម្រាប់សម្រស់ និងសុខភាព ប៉ុន្តែការផ្ដាច់ភ្លាមៗអាចធ្វើឱ្យរាងកាយតស៊ូមិនរួច។
វិធីសាស្ត្រដែលឃើញផលពិតប្រាកដគឺការកាត់បន្ថយតាម “ដំណាក់កាល” ដោយចាប់ផ្ដើមពីការសង្កេតមូលហេតុនៃការចង់ញ៉ាំ រួចរកអ្វីមកជំនួសឱ្យត្រូវគោលដៅ ដូចជាការក្រេបទឹកសូដាត្រជាក់ៗ ឬញ៉ាំផ្លែឈើស្រស់ដើម្បីជំនួសជាតិស្ករកែច្នៃ។ ប្រសិនបើអ្នកធ្លាប់ញ៉ាំរាល់ថ្ងៃ ចូរដកថយមកត្រឹមមួយថ្ងៃខានមួយថ្ងៃ ឬប្ដូរមកប្រើរូបមន្តគ្មានជាតិស្ករ ជាបណ្ដោះអាសន្ន ដើម្បីឱ្យក្រពេញទទួលរសជាតិនៅលើអណ្ដាតស៊ាំនឹងកម្រិតផ្អែមតិចជាងមុនបន្តិចម្ដងៗ។
ដើម្បី “រីសេត” រាងកាយឱ្យឆាប់ជោគជ័យ អ្នកគួរជ្រើសរើសភេសជ្ជៈដែលមានជាតិហ្គាសពីធម្មជាតិដូចជា តែផ្អាប់ ដែលមានប្រយោជន៍ដល់ពោះវៀន និងស្បែក ឬការធ្វើទឹកត្រាំផ្លែឈើដើម្បីជួយឱ្យបាត់អារម្មណ៍ចង់ទឹកផ្អែម។ អ្វីដែលសំខាន់បំផុតគឺការបង្កើត “ប្រព័ន្ធរង្វាន់” ថ្មីដោយមិនប្រើចំណីអាហារ ដូចជាការទៅស្ប៉ាថែរក្សាសម្រស់នៅពេលអ្នកផ្ដាច់ផ្អែមបានគ្រប់មួយសប្តាហ៍។
ប្រសិនបើអ្នកអាចអនុវត្តបានជាប់គ្នា ២១ ថ្ងៃ រាងកាយនឹងបង្កើតទម្លាប់ថ្មីដោយស្វ័យប្រវត្តិ ដែលផ្ដល់លទ្ធផលជាស្បែកភ្លឺថ្លា ចំណែកឯរាងកាយក៏ស្លីមស្អាត និងមានថាមពលលើសពីមុន៕