យោងតាមការចុះផ្សាយពីប្រភពបរទេស ប្រសិនបើគ្រួសាររបស់អ្នកចូលចិត្តញ៉ាំសាច់ច្រើនជាងត្រី នោះអ្នកអាចនឹងកំពុងរំលងនូវប្រភពសារធាតុចិញ្ចឹមដ៏វិសេសវិសាលបំផុត។
តាមការណែនាំរបស់អ្នកជំនាញ មនុស្សពេញវ័យដែលមានទម្ងន់ចន្លោះពី ៥០ ទៅ ៧០ គីឡូក្រាម គួរទទួលទានត្រីយ៉ាងហោចណាស់ ២ ទៅ ៣ ដងក្នុងមួយសប្តាហ៍ ឬក្នុងបរិមាណប្រហែល ៣០០ ទៅ ៣៥០ ក្រាម។ ត្រីមិនត្រឹមតែសម្បូរទៅដោយប្រូតេអ៊ីន និងខ្លាញ់ល្អដែលផ្តល់ផលចំណេញដល់រាងកាយជាងសាច់នោះទេ ប៉ុន្តែវាក៏មានផ្ទុកនូវរ៉ែខនិកចម្រុះជាច្រើនដែលសាច់សត្វទូទៅមិនអាចផ្តល់ឱ្យបានគ្រប់គ្រាន់។
ទោះជាយ៉ាងណា ដើម្បីទទួលបានសុខភាពល្អឥតខ្ចោះ អ្នកគួររក្សាតុល្យភាពដោយបែងចែករបបអាហារឱ្យមានទាំងសាច់ ត្រី ស៊ុត និងប្រូតេអ៊ីនពីរុក្ខជាតិក្នុងកម្រិតសមស្រប និងត្រូវប្រាកដថាជ្រើសរើសប្រភពត្រីដែលគ្មានជាតិពុល ឬសារធាតុគីមី៕