កំពូលគ្រាប់ធញ្ញជាតិ​ទាំង ៥៖ ជួយឱ្យសម្រស់ក្មេងខ្ចី និងសុខភាព​មាំមួន

យោងតាមការចុះផ្សាយពីប្រភពបរទេស ការរួមបញ្ចូលគ្រាប់ធញ្ញជាតិទៅក្នុងរបបអាហារប្រចាំថ្ងៃ គឺជាអាថ៌កំបាំងដ៏សាមញ្ញបំផុតក្នុងការថែរក្សាសម្រស់ និងសុខភាពពីខាងក្នុង។

គ្រាប់ធញ្ញជាតិដូចជា គ្រាប់អាល់ម៉ុន គ្រាប់វាល់ណាត់ គ្រាប់ស្វាយចន្ទី គ្រាប់ផ្កាឈូករ័ត្ន និងគ្រាប់ល្ពៅ សុទ្ធតែសម្បូរទៅដោយវីតាមីន E សារធាតុប្រឆាំងអុកស៊ីតកម្ម និងអាស៊ីតខ្លាញ់អូមេហ្គា ៣ ដែលដើរតួនាទីយ៉ាងសំខាន់ក្នុងការការពារកោសិកាស្បែកពីការបំផ្លាញដោយពន្លឺព្រះអាទិត្យ និងការរលាក។ ការញ៉ាំគ្រាប់ធញ្ញជាតិទាំងនេះជួយឱ្យស្បែកមានសំណើម តឹងណែន និងកាត់បន្ថយស្នាមជ្រួញបានយ៉ាងមានប្រសិទ្ធភាព។

ក្រៅពីអត្ថប្រយោជន៍ផ្នែកសម្រស់ គ្រាប់ធញ្ញជាតិទាំងនេះក៏ជាអាហារបំប៉នខួរក្បាល និងបេះដូងយ៉ាងវិសេសវិសាល។ ពួកវាជួយកាត់បន្ថយជាតិខ្លាញ់អាក្រក់ក្នុងឈាម បង្កើនការចងចាំ និងជួយឱ្យប្រព័ន្ធស៊ាំរាងកាយរឹងមាំ មិនងាយឈឺថ្កាត់។ សារធាតុរ៉ែសំខាន់ៗដូចជា ស័ង្កសី និងម៉ាញ៉េស្យូម ដែលមានក្នុងគ្រាប់ធញ្ញជាតិ ក៏ជួយឱ្យសក់ និងក្រចករឹងមាំមានសុខភាពល្អផងដែរ។

ដើម្បីទទួលបានលទ្ធផលល្អបំផុត អ្នកគួរញ៉ាំគ្រាប់ធញ្ញជាតិដែលមិនទាន់កែច្នៃ ឬមិនមានជាតិអំបិល និងស្ករច្រើនជ្រុល។ ការញ៉ាំត្រឹមតែមួយក្ដាប់តូចក្នុងមួយថ្ងៃ ជាអាហារសម្រន់ ឬលាយជាមួយសាឡាត់ និងយ៉ាអួរ នឹងជួយឱ្យអ្នកមានអារម្មណ៍ស្រស់ស្រាយ និងមើលទៅក្មេងជាងវ័យជានិច្ច។

ការវិនិយោគលើរបបអាហារដែលមានតុល្យភាពជាមួយគ្រាប់ធញ្ញជាតិ គឺជាការវិនិយោគលើសុខភាព និងសម្រស់យូរអង្វែង​៕