​គ្រោះថ្នាក់ដែលអ្នកមិនដឹងពីការប្រើប្រាស់ដបដបប្លាស្ទិកឡើងវិញ​

យោងតាមការចុះផ្សាយពីប្រភពបរទេស ការប្រើប្រាស់ដបដបប្លាស្ទិកប្រភេទ PET (លេខ ១) ដែលយើងតែងតែឃើញនៅក្នុងការច្រកទឹកបរិសុទ្ធ ឬភេសជ្ជៈផ្សេងៗ មកច្រកទឹកផឹក ឬគ្រឿងទេសក្នុងផ្ទះបាយឡើងវិញ គឺជាទម្លាប់ទូទៅដែលមនុស្សជាច្រើនយល់ថាចំណេញ និងងាយស្រួល។ ប៉ុន្តែតាមពិតទៅ ដបប្រភេទនេះត្រូវបានរចនាឡើងសម្រាប់ ប្រើប្រាស់តែម្ដងគត់​ ហើយការយកវាមកប្រើដដែលៗអាចបង្កហានិភ័យដល់សុខភាពយ៉ាងខ្លាំង។

ហានិភ័យចម្បងដែលអ្នកគួរដឹង រួមមានការកកកុញនៃបាក់តេរី ប្រសិនបើការលាងសម្អាតមិនបានស្អាតល្អ និងការភាយចេញនៃសារធាតុគីមីគ្រោះថ្នាក់ដូចជា Phthalates និង Antimony ចូលទៅក្នុងភេសជ្ជៈ ឬអាហារ ជាពិសេសនៅពេលដបប៉ះនឹងកម្ដៅលើសពី ៧០ អង្សាសេ ឬត្រូវពន្លឺថ្ងៃយូរ។ សារធាតុទាំងនេះអាចជ្រាបចូលក្នុងរាងកាយ និងបង្កជាជំងឺផ្សេងៗក្នុងរយៈពេលវែង។

ដើម្បីសុវត្ថិភាព អ្នកជំនាញផ្ដល់អនុសាសន៍ឱ្យជៀសវាងការប្រើដបប្រភេទ PET ឡើងវិញច្រើនដង ជាពិសេសជាមួយទឹកក្ដៅ។ ប្រសិនបើចាំបាច់ គួរប្រើតែជាមួយទឹកត្រជាក់ និងប្រើក្នុងរយៈពេលខ្លីបំផុត។ សម្រាប់ជម្រើសដែលមានសុវត្ថិភាពក្នុងការប្រើប្រាស់បានយូរ អ្នកគួរជ្រើសរើសដបដែលធ្វើពីដបប្លាស្ទិកប្រភេទ HDPE (លេខ ២), PP (លេខ ៥), ដែកអ៊ីណុក​ ឬ ដបកែវ ជំនួសវិញ​៕