យោងតាមការណែនាំរបស់អ្នកជំនាញផ្នែកថ្លើមជនជាតិឥណ្ឌា ការទទួលទានផ្លែប៉ោម ២ ផ្លែជារៀងរាល់ព្រឹកនៅពេលពោះទទេ គឺជាវិធីសាស្ត្រដ៏មានប្រសិទ្ធភាពបំផុតមួយក្នុងការថែរក្សាសុខភាពថ្លើម។ ផ្លែប៉ោមសម្បូរទៅដោយជាតិសរសៃ វីតាមីន និងសារធាតុប្រឆាំងអុកស៊ីតកម្ម ដែលជួយជម្រះជាតិពុលចេញពីថ្លើម និងកាត់បន្ថយការប្រមូលផ្តុំជាតិខ្លាញ់ ដែលជាឫសគល់នៃជំងឺថ្លើមខ្លាញ់។
ក្រៅពីការញ៉ាំផ្លែប៉ោម អ្នកជំនាញក៏បានលើកឡើងថា ការញ៉ាំកាហ្វេក្នុងបរិមាណសមល្មមអាចជួយកាត់បន្ថយជាតិខ្លាញ់ក្នុងថ្លើមបានផងដែរ។ ទោះជាយ៉ាងណាក៏ដោយ អ្វីដែលសំខាន់បំផុតគឺការជៀសវាងអាហារបំពង អាហារកែច្នៃ គ្រឿងស្រវឹង និងការជក់បារី ដែលជាសត្រូវបំផ្លាញកោសិកាថ្លើមបន្តិចម្តងៗ។ ការផ្លាស់ប្តូរទម្លាប់រស់នៅតាមរយៈការហាត់ប្រាណយ៉ាងហោចណាស់ ៣០ នាទីក្នុងមួយថ្ងៃ និងការតាមដានសុខភាពឱ្យបានទៀងទាត់ គឺជាគន្លឹះដ៏សំខាន់ដែលជួយឱ្យថ្លើមរបស់អ្នកមានដំណើរការល្អរហូតដល់វ័យជរា៕