​ភេសជ្ជៈ និងអាហារធម្មជាតិ ៦ មុខ៖ ជំនួយការពិសេសក្នុងការដុតខ្លាញ់ និងបង្កើនសាច់ដុំបុរស

យោងតាមការចុះផ្សាយពីប្រភពបរទេស ការសម្រេចបានរាងកាយមាំមួន និងសាច់ដុំរឹងមាំ មិនមែនពឹងផ្អែកតែលើការហាត់ប្រាណប៉ុណ្ណោះទេ ប៉ុន្តែវាអាស្រ័យយ៉ាងខ្លាំងលើតុល្យភាពនៃ អ័រម៉ូនតេស្តូស្តេរ៉ូន​។

ដើម្បីបំប្លែងរាងកាយរបស់អ្នកឱ្យទៅជា “ម៉ាស៊ីនដុតរំលាយអាហារ” អ្នកគួរផ្ដោតលើអាហារសំខាន់ៗដូចជា បន្លែអម្បូរស្ពៃ (ផ្កាខាត់ណាខៀវ) ដែលជួយកម្ចាត់អ័រម៉ូនអ៊ឹស្ត្រូសែនលើស ធ្វើឱ្យការសម្រកខ្លាញ់ក្បាលពោះកាន់តែងាយស្រួល។ រីឯ បន្លែស្លឹកបៃតងចាស់ (ស្ពៃខ្មៅ) ដែលសម្បូរម៉ាញ៉េស្យូម នឹងដើរតួជាអ្នកដាស់អ័រម៉ូនបុរសឱ្យសកម្ម ជួយឱ្យឈាមរត់ស្រួល និងបង្កើនការស៊ូទ្រាំពេលហាត់ប្រាណ។

បន្ថែមពីនេះ ការញ៉ាំ គ្រាប់ល្ពៅ និងគ្រាប់ Walnut ដែលសម្បូរស័ង្កសី គឺជាគន្លឹះក្នុងការផលិតមេជីវិតឈ្មោល និងរក្សាថាមពលមិនឱ្យឆាប់អស់កម្លាំង។ អាថ៌កំបាំងមួយទៀតគឺ ខ្ទឹមស និងខ្ទឹមបារាំង ដែលជួយកាត់បន្ថយអ័រម៉ូនស្ត្រេស​ដែលជាសត្រូវបំផ្លាញសាច់ដុំ។ អ្នកក៏មិនគួររំលង ផ្លែបឺរ ដែលផ្ដល់ខ្លាញ់ល្អសម្រាប់បេះដូង និង គ្រាប់ប្រេស៊ីល​ ដែលសម្បូរសេលេញ៉ូម ជួយការពារកោសិកាពីការខូចខាត និងធ្វើឱ្យមើលទៅក្មេងជាងវ័យ។

ការបញ្ចូលអាហារធម្មជាតិទាំងនេះទៅក្នុងរបបអាហារប្រចាំថ្ងៃ គឺជាការវិនិយោគដ៏វៃឆ្លាតដើម្បីទទួលបានទាំងរាងកាយស្លីមមាំមួន និងសុខភាពផ្លូវចិត្តដ៏រឹងមាំ៕
​